Насилните протести стануваат се почести во регионот, како и инцидентите и нападите врз новинарите што ги покриваат. Репортерите/ките не биле нападнати само од незадоволни граѓани, туку и од полицијата. Затоа е клучно за новинарите/ките да бидат добро подготвени за да бидат безбедни додека се на мисија. За новинарите/ките навикнати да ја ставаат приказната на прво место, честопати дури и пред нивната сопствена безбедност, тоа не е лесна задача. Сепак, да знаете како да ја „прочитате толпата“ и да препознаете потенцијално опасни ситуации пред да се појават, може да биде вредно во околности што го загрозуваат животот.
Целта на овој курс е да ги подготви новинарите/ките за можни непредвидени ситуации што можат да ги сретнат додека известуваат од протести и различни демонстрации. Во последниве години, повеќето од протестите што се случија во регионот станаа насилни во одреден момент со тоа што новинарите станаа мета. Овој курс носи корисни совети за тоа како да избегнете или да се справите со проблеми на вакви настани.
Што ќе научите:
- Зошто известувањето за протести стана една од најризичните работи во новинарството;
- Кој е ставот на Западен Балкан во врска со безбедноста на новинарите/ките кои известуваат за протести во споредба со остатокот од светот
- Опасностите со кои може да се соочите при известување за насилни протести;
- Планирајте пред да излезете на терен – за што треба да бидете свесни, што да понесете со вас и каква заштитна опрема можеби ќе ви треба.
- Како да се справите со солзавец, како да мѕ се обраќате на полицијата и што да правите во случај на стампедо;
- Ваши законски права – што, како новинар/ка, можете да снимате или фотографирате и што полицијата може и не може да бара од вас;
- Дигитални безбедносни техники – како да го заштитите вашиот телефон или компјутер и како да ја заштитите и шифрирате комуникацијата;
- Како да се намали стресот и да се препознаат знаците дека е време да се побара стручна помош.
Овој курс можете да го завршите за 4 часа – одеднаш или во текот на неколку сесии.
