Protestat e dhunshme janë bërë gjithnjë e më të shpeshta në rajon, si dhe incidentet dhe sulmet ndaj gazetarëve që i mbulojnë ato. Reporterët nuk janë sulmuar vetëm nga qytetarë të pakënaqur, por edhe nga policia. Kjo është arsyeja pse është thelbësore që gazetarët të jenë të mirëpërgatitur, në mënyrë që të qëndrojnë të sigurt gjatë misionit. Për gazetarët që shpesh vendosin historinë në vend të parë para sigurisë së tyre, kjo nuk është një detyrë e lehtë. Sidoqoftë, të dish të “lexosh turmën” dhe të njohësh situata potencialisht të rrezikshme para se të ndodhin, mund të jetë e vlefshme në rrethana kërcënuese për jetën.
Qëllimi i këtij kursi është të përgatisë gazetarët për situata të mundshme të paparashikuara që mund të hasin gjatë raportimit nga protestat dhe demonstratat e ndryshme. Në vitet e fundit, shumica e protestave që ndodhën në rajon, pësuan dhunë dhe në një moment shënjestra e dhunës u bënë gazetarët. Ky kurs ofron këshilla të dobishme se si të shmangni ose të përballoni këto problematika në ngjarje të tilla.
Çfarë do të mësoni:
- Pse raportimi për protestat është bërë një nga punët më të rrezikshme në gazetari;
- Cili është pozicioni i Ballkanit Perëndimor në lidhje me sigurinë e gazetarëve që raportojnë për protestat krahasuar me pjesën tjetër të botës;
- Rreziqet që mund të hasni kur raportoni për protesta të dhunshme;
- Planifikoni para se të dilni në terren – për çfarë duhet të jeni të vetëdijshëm, çfarë të merrni me vete dhe cilat pajisje mbrojtëse mund t’ju nevojiten.
- Si të përballoni gazin lotsjellës, si të kontaktoni policinë dhe çfarë të bëni në rast goditjeje;
- Të drejtat tuaja ligjore – si gazetar, çfarë mund të filmoni apo fotografoni dhe çfarë policia mundet apo nuk mund të kërkojë nga ju;
- Teknikat dixhitale të sigurisë – si të mbroni telefonin ose kompjuterin tuaj dhe si të mbroni dhe kriptoni komunikimin;
- Si të zvogëloni stresin dhe të dalloni shenjat se kur është koha të kërkoni ndihmë profesionale.
Këtë kurs mund ta mbaroni për 4 orë njëherazi, ose përmes disa seancave.