Media përballet me shumë sfida në këtë botë dixhitale në të cilën ne jetojmë dhe punojmë. Ky kurs është krijuar për t’ju prezantuar me proceset dhe mënyrat e strukturimit dhe drejtimit të redaksive – qofshin të vogla apo të mëdha. Proceset e punës ndryshojnë dhe po kështu ndryshojnë edhe kërkesat e audiencës. Teknologjitë e reja imponojnë një mënyrë dhe dinamikë të ndryshme prodhimi, prandaj duhet të përshtatemi edhe me këtë. Në këtë kurs do të njiheni me idetë dhe trendet në industrinë e medias, do të mësoni dhe vlerësoni nëse mund të aplikoni disa prej tyre në redaksitë tuaja.
Qëllimi i këtij kursi është të ofrojë njohuri që do t’ju lejojnë jo vetëm të kuptoni, por edhe të përshtatni dhe krijoni procese pune që do ta bëjnë redaksinë tuaj më moderne, dhe të mësoni se si ta menaxhoni atë për t’i bërë mediat më konkurruese në mjedisin dixhital.
Kursi është i ndarë në 6 module:
- Modul 1 – Ju jep një përmbledhje të kursit dhe do t’ju prezantojë me trendet e reja në botën e medias.
- Modul 2 – Ju do të njiheni me termat “konvergjencë” dhe “digital first”, por gjithashtu edhe rëndësinë e njohjes së audiencës.
- Modul 3 – Çfarë është një redaksi e integruar dhe si ta krijoni dhe menaxhoni atë? Duke kaluar në këtë pjesë të kursit, detyra do të jetë të vizatoni modelin e ri të redaksisë suaj të integruar dhe të krijoni proceset tuaja të personalizuara të punës.
- Modul 4 – Kultura e redaksisë është jashtëzakonisht e rëndësishme në kontekstin e strategjisë së digital first. Do të mësohen dhe mënyrat e mira të komunikimit brenda redaksisë dhe menaxhimin e saj.
- Modul 5 – Qëllimi i kësaj pjese të kursit është të njiheni me llojet e ndryshme të raportimit multimedial, koncepte dhe forma të reja në gazetari.
- Modul 6 – Ju do të mësoni se si të menaxhoni redaksinë, si të forconi individët në role të ndryshme editoriale, të kujdeseni për punonjësit dhe të krijoni një mjedis të shëndetshëm pune për ta.
Ju mund ta përfundoni këtë kurs për 8 orë, në disa seanca gjatë 10 ditëve.
Ky kurs online është prodhuar në kuadër të projektit ‘Media for All’, i financuar nga Zyra Jashtme, për Komonuelthin dhe Zhvillimin e Mbretërisë së Bashkuar (FCDO) dhe ofrohet nga një konsorcium i organizatave të drejtuara nga Këshilli Britanik, në partneritet me Rrjetin Ballkanik të Raportimit Investigativ (BIRN), INTRAC dhe Fondacionin Thomson (TF).
Qëllimi i projektit është të zhvillojë dhe forcojë pavarësinë editoriale dhe funksionimin e biznesit të mediave, në gjashtë vendet e Ballkanit Perëndimor (Shqipëri, Bosnjë dhe Hercegovinë, Kosovë, Mal të Zi, Maqedoni e Veriut dhe Serbi) duke siguruar grante dhe asistencë teknike për një gamë mediash.
