Mediat e sotme, përveç punës së tyre kryesore – informimi objektiv dhe në kohë për publikun – duhet të mendojnë në mënyrë aktive për modelin e tyre të biznesit dhe mënyrën e fitimit të parave ose monetizimit. Media përballet me sfida të mëdha globalisht, dhe ky problem nuk është zgjidhur as në vendet më të zhvilluara të botës. Veçanërisht ai ndihet nga media të vogla lokale të cilët as nuk e mendonin se do të duhej të mendonin si sipërmarrës dhe të ndërtonin një lloj biznesi shtesë rreth veprimtarisë së tyre kryesore mediatike.
Qëllimi i këtij kursi është t’ju japë udhëzime themelore për zhvillimin e një ideje biznesi dhe për të kuptuar se si elementë të ndryshëm të biznesit mediatik ndikojnë te njëri-tjetri. Kursi përmban shembuj dhe udhëzime konkrete për krijimin e një plani biznesi për zhvillimin e mediave.
Temat që do të trajtojmë gjatë këtij kursi janë:
- Modeli i biznesit – Në këtë kapitull, ne do të analizojmë aspekte të ndryshme të modelit të biznesit dhe do t’i ilustrojmë ato përmes shembujve. Ju do të kuptoni se si kompanitë krijojnë vlerë për klientët e tyre dhe si e shndërrojnë atë vlerë në fitim.
- Modelet e biznesit mediatik – Ne do të njihemi me modele specifike të biznesit që zbatohen në media, si një industri specifike. Qëllimi i këtij kapitulli është t’ju bëjë të kuptoni më mirë se si media mund të gjenerojë të ardhura.
- SWOT – Lidhur me këtë mjet do të diskutohet mbi pikat e forta, të dobëta, mundësitë dhe kërcënimet për idetë e biznesit.
- Business Model Canvas – Apo BMC, duke ju referuar shkurt është një mjet kryesor që do të zotëroni gjatë këtij kursi. Kjo do t’ju lejojë të hartoni me shpejtësi dhe të keni një pamje të përgjithshme mbi biznesin tuaj. Do të keni shumë shembuj.
- Tregu dhe konkurrenca – Analiza e tregut dhe e konkurrencës janë dokumente që duhet t’i keni gati për Planin tuaj të Biznesit. Ju do të mësoni se çfarë të kërkoni dhe si të përcaktoni konkurrencën direkte dhe indirekte.
- Testimi i një ideje – Në këtë kapitull, ju do të mësoni në lidhje me metodologjinë që startup-et përdorin për të provuar idenë e tyre, përmes bisedave kuptimplota me përdoruesit e mundshëm.
Ju do t’iu duhet maksimumi 24 orë për të përfunduar këtë kurs me të gjitha ushtrimet praktike.
Ky kurs online është prodhuar në kuadër të projektit ‘Media for All’, i financuar nga Zyra Jashtme, për Komonuelthin dhe Zhvillimin e Mbretërisë së Bashkuar (FCDO) dhe ofrohet nga një konsorcium i organizatave të drejtuara nga Këshilli Britanik, në partneritet me Rrjetin Ballkanik të Raportimit Investigativ (BIRN), INTRAC dhe Fondacionin Thomson (TF).
Qëllimi i projektit është të zhvillojë dhe forcojë pavarësinë editoriale dhe funksionimin e biznesit të mediave, në gjashtë vendet e Ballkanit Perëndimor (Shqipëri, Bosnjë dhe Hercegovinë, Kosovë, Mal të Zi, Maqedoni e Veriut dhe Serbi) duke siguruar grante dhe asistencë teknike për një gamë mediash.