Herët a vonë, duhet të keni pyetur veten nëse keni nevojë të jeni online. Pesëmbëdhjetë vjet më parë thuhej se ata që nuk kishin prezencë online ishin seriozisht vonë për këtë. Me siguri ju e keni pyetur veten nëse mallrat ose shërbimet tuaja munden të shitën online dhe nëse po, si? Keni nevojë për një faqe në internet? A mund të zbatoni një mënyrë pagese në një faqe interneti ekzistuese dhe si? Ka një numër pyetjesh që ndoshta, nëse nuk ia keni bërë tashmë, herët a vonë do t‘ia bëni vetes.
Ky kurs do të trajtojë temën – si të shisni një shërbim, mall apo çfarëdo që të imagjinoni, cilado të jetë përmbajtja juaj në një faqe ekzistuese ose të re, dhe si të tarifoni për këto mallra dhe shërbime duke përdorur metodat më të përshtatshme të pagesave, me një fokus të veçantë se si t‘i kontraktoni dhe zbatoni këto metoda pagesash.
Çdo seksion i kursit përmban një video të shkurtër, dhe temat më interesante përmbajnë tekst shoqërues, shembuj praktikë, si dhe pyetësorë interesantë. Struktura e kursit përfshin:
Moduli 1: Hyrje – Përshkrim i shkurtër i kursit dhe prezantim me autorin i cili do t’ju sjellë më pranë sfidave të tregtisë elektronike përmes përvojës praktike.
Moduli 2: Koncepti i Modelit të Biznesit – Demistifikimi i termit “biznes” dhe thjesht paraqitja e konceptit të biznesit do të zgjerojë pikëpamjen tuaj për mundësitë që gjenden para jush dhe do t’ju inkurajojë të filloni sipërmarrje të reja biznesi.
Moduli 3: Prezantimi i metodave të pagesës (parakushtet dhe supozimet) – Përgjigjet e pyetjeve më të shpeshta dhe të kuptuarit e rolit të aktorëve të ndryshëm në prezantimin e metodave të ndryshme të pagesës do t’ju udhëheqin me saktësi në përgjegjësitë e këtyre aktorëve.
Moduli 4: Ndihma dhe mbështetja gjatë sipërmarrjes së biznesit – Vazhdimi i seksionit të mëparshëm merret me aktivitete specifike të aktorëve të ndryshëm në procesin e zbatimit të metodave të ndryshme të pagesës.
Moduli 5: Koncepti i prezantimit të metodave të pagesës nga pikëpamja teknike dhe e biznesit – Ky modul do të shpjegojë ndryshimin dhe lidhjen midis modeleve të fitimit të parave dhe metodave të pagesës, si dhe një pasqyrë të lidhjes së tyre nga një këndvështrim tjetër.
Moduli 6: Zbatimi i metodave të pagesës – Zbatimi i të gjithë aktiviteteve sipas një plani të paracaktuar, përgatitja dhe testimi i duhur, si dhe monitorimi i biznesit pas fillimit të projektit janë pjesët e kursit që do t’ju ndihmojnë të zbatoni praktikisht gjithçka keni mësuar përmes moduleve të mëparshme.
Për të përfunduar kursin do t’ju duhen 4 orë punë të cilat mund t’i ndani në disa seanca.
Ky kurs online është prodhuar në kuadër të projektit ‘Media for All’, i financuar nga Zyra Jashtme, për Komonuelthin dhe Zhvillimin e Mbretërisë së Bashkuar (FCDO) dhe ofrohet nga një konsorcium i organizatave të drejtuara nga Këshilli Britanik, në partneritet me Rrjetin Ballkanik të Raportimit Investigativ (BIRN), INTRAC dhe Fondacionin Thomson (TF).
Qëllimi i projektit është të zhvillojë dhe forcojë pavarësinë editoriale dhe funksionimin e biznesit të mediave, në gjashtë vendet e Ballkanit Perëndimor (Shqipëri, Bosnjë dhe Hercegovinë, Kosovë, Mal të Zi, Maqedoni e Veriut dhe Serbi) duke siguruar grante dhe asistencë teknike për një gamë mediash.
