Милош Станиќ е поранешен наградуван новинар. Тој е заинтересиран за нови технологии, и веќе неколку години работи на крстопатот на новинарството и технологијата, во технолошкиот стартап, Смартокто (Smartocto), каде што се занимава со стратегија и работа со клиенти. Пред да се приклучи на тимот на Смартокто, водечки европски производител на аналитички алатки наменети за дигиталните медиуми, Милош, неколку години, работел како новинар во „Блиц“. Во текот на својата новинарска кариера, тој соработувал со Војводинскиот истражувачки-аналитички центар, со Независното здружение на новинари нa Војводина, а работел и на проекти на КРИК и на БИРН. Тој бил учесник во проектот Балканска стипендија за новинарска извонредност и за сторијата што ја напишал во тоа време, ја добил наградата на Европската унија за истражувачко новинарство во Србија, која му беше доделена во 2019 година.