Најнови статии:

Преку курсот ќе научите како се менува светот на медиумите под влијание на технологијата, како се менуваат навиките на публиката, каква содржина треба да креирате и како да ја прилагодите за следење на различни платформи.

Овој курс ќе ве научи како да ги препознавате различните видови на насилство и закани, кога станува збор за работата на новинарките од Западен Балкан. Ќе слушнете лични приказни и искуства на некои од најдобрите новинарки во регионот, ќе научите кои се вашите права, како да се однесувате во случај на напад, како да пријавите насилство, да изградите отпорност и да се зајакнете за да им помогнете на колешките.

Курсот е наменет за сите новинари кои сакаат самостојно да креираат новинарска содржина. Преку објаснување на техниките и најдобрите практики за креирање содржина со мобилен телефон новинарите ќе станат подготвени самостојно, без никаква помош да создаваат ангажирани приказни, визуелно моќни видео-приказни, интервјуа и да ги објавуваат на кој било медиум.

Овој курс е дизајниран да ве научи на напредните техники за раскажување приказни, со совети од водечки новинари. Ќе ви бидат прикажани различни начини да раскажете новинарски приказни и ќе добиете стручни совети за известување од терен.

Секој новинар сака публиката да му верува. За возврат, публиката од новинарот очекува да биде прецизен, фер и непристрасен. Ако на оваа равенка се додаде и вештачката интелигенција (ВИ) работите може да станат покомплицирани ако не сте подготвени. Алатките за вештачка интелигенција се многу корисни за голем број редакции, но тие имаат своја цена. Цената, ако немате соодветни политики, може да биде на сметка на репутацијата, правни проблеми и загуба на довербата од публиката. Значи, ако користите вештачка интелигенција или планирате, време е да го прифатите етичкиот пристап.

Вредноста на овој курс е во тоа што знаењето и советите ги делат „инсајдери“, долгогодишни економски новинари кои знаат со какви професионални и лични предизвици и стравувања се соочуваат младите новинари.