Дигиталното време го смени изгледот на новинарските приказни, како тие се пишуваат и како визуелно ѝ се претставуваат на публиката. Без разлика дали сте искусен новинар или почетник во новинарството, во денешно време морате да креирате адаптирани мултимедијални новинарски приказни со цел да стигнете до поголема публика на различни платформи.
Преку курсот ќе научите како се менува светот на медиумите под влијание на технологијата, како се менуваат навиките на публиката, каква содржина треба да креирате и како да ја прилагодите за следење на различни платформи.
СОДРЖИНА НА КУРСОТ:
- Дел 1 дава преглед на курсот и темите што ќе бидат опфатени и ве запознава со инструкторите.
- Дел 2 ги опишува навиките на публиката при следење вести на различни платформи.
- Дел 3 низ практичен пример се опишува процесот на приспособување вести за различни платформи.
- Дел 4 ги опфаќа клучните поенти и крајни совети за приспособување вести за различни платформи.
Во посебните делови на овој курс има практични вежби и прашалници. Потребно е сите да ги завршите и да ги пополните за да го стекнете соодветното знаење, но и сертификатот за успешно завршен курс.
За да го завршите овој курс ќе ви требаат приближно 4 часа, низ повеќе сесии.
