Мобилното новинарство значи слобода. Со мобилниот телефон, можете лесно да креирате медиумски содржини каде било. Креирањето квалитетна новинарска содржина со мобилен телефон како главна алатка сè уште целосно не го зафатило Балканот. Мобилните телефони се важна алатка за новинарите, но нивниот потенцијал и можност за креирање моќни видео содржини најголем дел од големите балкански медиуми не ги искористуваат во целост. И тука има голема можност, не само за секој медиум, туку и за секој новинар.
Курсот е наменет за сите новинари кои сакаат самостојно да креираат новинарска содржина. Преку објаснување на техниките и најдобрите практики за креирање содржина со мобилен телефон новинарите ќе станат подготвени самостојно, без никаква помош да создаваат ангажирани приказни, визуелно моќни видео-приказни, интервјуа и да ги објавуваат на кој било медиум.
СОДРЖИНА НА КУРСОТ:
- Модул 1 дава преглед на курсот и го објаснува концептот на мобилното новинарство.
- Модул 2 ги опишува предностите на мобилното новинарство и потребната опрема за завршување на овој курс
- Модул 3 го опишува првиот аспект на мобилното новинарство- фотографијата и начините како да се создаде моќна фотографија со мобилен телефон
- Модул 4 го објаснува вториот елемент на мобилното новинарство- видеото и начините како да се создаде квалитетна видео содржина со мобилен телефон.
- Модул 5 е посветен на снимање квалитетно аудио со помош на мобилен телефон.
- Модул 6 го објаснува последниот дел – монтирање на новинарски прилози на мобилен телефон со помош на бесплатна апликација.
За овој курс ќе ви требаат приближно 4 часа за да го завршите низ повеќе сесии.