Редакција за креирање брендирана содржина: Нов канал на приходи за медиумите

 минути читање

Медиумите многу често строго ги следат принципите на етичко новинарство. Ова значи дека тие имаат тенденција да избегнуваат одредени практики за кои сметаат дека се премногу комерцијални, премногу маркетинг и ПР, бидејќи се загрижени дека усвојувањето на ваквите практики би влијаело на нивниот кредибилитет. Овие стравови се оправдани, но во исто време тие можат да станат проблематични за обезбедување на финансиска поддршка за работењето на медиумот.

Crowdfunding кампањите кои се потпираат на собирање донации од читателите или објавување содржина за која се плаќа не се решение за сите медиуми. Нивните трошоци честопати се повисоки од нивните приходи, што на крајот на секој месец го отежнува врзувањето крај со крај. Сето ова доведува до тоа медиумите да не можат да ги прошират своите тимови од новинари и продуценти или да ги опфатат сите приказни што ги сакаат и на крајот, да не можат да обезбедат темелно известување за нивната публика.

За среќа, решение за овој проблем постои, а добрата вест е што голем број медиуми веќе ги имаат сите потребни ресурси за да го имплементираат. Со реорганизација на нивниот бизнис, медиумите можат да формираат специјална редакција за креирање брендирана содржина (бренд њузрум) што ќе им отвори прозорец кон светот на нови можности за монетизација и ќе им овозможи финансиски да ја поддржат основната цел на нивното постоење - обезбедување високо квалитетно, веродостојно новинарство.

Невообичаена сличност во методите на маркетерите и медиумите

Примарната улога на медиумите е да го штитат јавниот интерес од политички и економски неправди, како и да ја обликуваат јавната свест. Методите што ги користат за да ја постигнат оваа цел вклучуваат информирање и едукација на целната публика - најчесто општата популација. Обично, забавата исто така игра важна улога, особено кога станува збор за зголемување и зајакнување на опсегот на вести и создавање редовни читатели на медиуми.

Интересно е што сличен пристап може да се забележи и во маркетингот. Иако се работи за различни активности, како зголемување на свеста за брендот, зајакнување на лојалноста и препознавањето на брендот со промоција и продажба на производи или услуги како крајна цел, сепак, користените методи се во основа исти, бидејќи брендовите исто така комуницираат со својата публика со цел да ги информираат, едуцираат и забавуваат.

Ако ги оставиме настрана нивните активности и мотиви, ќе видиме дека медиумите и маркетинг индустријата во основа ги користат истите методи на работа. Нема голема разлика дури и кога станува збор за можностите за вработените, бидејќи и на едните и на другите им се потребни луѓе способни да создаваат добри приказни - без оглед на тоа дали се презентираат на јавноста во пишан или видео формат.

Светот на маркетингот веќе ја препозна оваа сличност. Ова е причината зошто маркетинг агенциите и внатрешните маркетинг оддели во компаниите се повеќе регрутираат новинари во нивните сектори за создавање содржина. Нивното знаење и стручност во истражувањето, анализата и создавањето неверојатни приказни не се незабележани.

Иако можеби изгледа како меѓусебниот однос да има еднострана предност, тоа всушност не е точно, бидејќи како што маркетерите имаат што да научат од новинарите, така и новинарите имаат многу да научат од маркетерите. Во најдобар случај, тие можат да создадат целосно нов канал за медиумски приход со усвојување на одредени маркетинг пристапи и трансформирање на дел од нивните редакции во т.н. бренд њузрум - редакција за креирање брендирана содржина.

Можност за медиумите да заработат од маркетинг преку содржина

Во последните неколку децении, големите компании, вклучувајќи ги American Express, BMW, Lush, Spotify, Under Armour и Red Bull, сфатија дека самото рекламирање веќе не е доволно. Им требаше начин да стигнат до оние клиенти кои не реагираа на „бомбардирањето“ од реклами на билборди, ТВ, радио и списанија.

Не станува збор за некоја скриена, подла цел; сè што овие компании сакаат е да ја зголемат свеста за нивниот бренд. Потребно им беше да создадат добитна комбинација - пристап што им дава можност на брендовите да градат лојална заедница, а истовремено им нуди на клиентите квалитетна содржина. Така, компаниите започнаа да основаат внатрешни редакции за креирање брендирана содржина.

Ако се прашувате што е бренд њузрум - тоа е организација, компанија или внатрешен оддел што собира, прегледува, создава и објавува оригинална содржина за да ги информира, едуцира и забавува постојните и потенцијалните клиенти на одреден бренд, со крајна цел да профитира од нив.

Земете ги, на пример, Red Bull, производител на енергетски пијалоци и амбасадор на екстремни спортови, кој има исклучително ефикасен бренд њузрум - оддел за создавање брендирана содржина. Нивната најпозната кампања несомнено беше Red Bull Stratos Jump од 2012 година, којa “прикова” милиони луѓе ширум светот пред ТВ, компјутер и екранот на паметни телефони, додека Felix Baumgartner изврши до тогаш невиден слободен пад од стратосферата на Земјата.

Ова е врвот на бреднирана содржина и совршен пример за тоа што може да постигне добра редакција. Видливоста што ваквата маркетинг содржина може да ја обезбеди е неспоредлива - што не значи дека рекламирањето е помалку важно. Напротив, маркетингот преку содржина и рекламите секогаш треба да одат рака под рака, да се поддржуваат едни со други со цел да се постигнат најдобри резултати.

Сепак, не сите компании можат да си дозволат да формираат внатрешен оддел за креирање на брендирана содржина. Ова е момент што медиумите можат да го искористат во своја полза! Прераспределувајќи ги луѓето и создавајќи редакција за креирање брендирани содржини што компаниите можат да ги ангажираат по потреба, медиумите можат да обезбедат свој удел во приходите од мултимилионската индустрија за маркетинг преку содржина.

Новинари во маркетингот: Ризик од судир на интереси

Пред да почнеме да скокаме од среќа поради оваа нова можност што им се дава на медиумите - треба да се има предвид една работа. Како што веќе споменавме, медиумите секогаш треба да се придржуваат до 5-те принципи на етичко новинарство: вистина и точност, независност, правичност и непристрасност, хуманост и одговорност. Ако отстраните кој било од овие „столбови“, го загрозувате кредибилитетот на вашата редакција. 

Затоа, медиумска куќа која ќе одлучи да формира редакција за креирање брендирана содржина за клиенти, треба да биде претпазлива во однос на одржување на својот кредибилитет. Ова значи дека треба да се воздржи од доделување уреднички проекти за пишување брендирана содржина на новинари кои се занимаваат со известување. Постојат две можни решенија. Првиот подразбира доделување на проектот на креатори на содржини кои не се новинари, а вториот се однесува на фактот дека новинарите кои учествуваат во работата на редакцијата за креирање брендирана содржина треба да бидат отстранети од известувањето. Прашањето е: Зошто?

Замислете компанија што произведува производи од кожа со врвен квалитет. Компанијата сака да се позиционира на пазарот и бара уреднички услуги за да создаде брендирана содржина. Редакцијата го доделува овој проект на еден од своите новинари. Една година подоцна, излегува дека истата компанија ја загадува животната средина со токсичен отпад. Медиумите испраќаат новинар кој создал брендирана содржина сега да известува за настанот и тука е проблемот: новинар кој претходно создавал содржина за компанија сега известува за злоупотреба од нивна страна. Прилично проблематично, нели?

Така, една медиумска куќа може да создаде посебна редакција за креирање брендирана содржина, притоа почитувајќи ги етичките принципи на новинарството и избегнувајќи јавни забелешки или обвинувања за судир на интереси од каков било вид. Оваа организациска поделба може дополнително да се истакне со брендирањето што јасно ќе ги одделува главните редакции во медиумот од редакцијата за креирање брендирана содржина, со доделување на друго име, лого и веб-адреса.

Формирање редакција за креирање брендирана содржина како решение за сите медиумски куќи

Многу медиуми веќе ги имаат сите потребни ресурси за да формираат редакција за креирање брендирана содржина. Тие имаат креатори на содржина, екипа за снимање и монтажа на видео и целата потребна опрема. Во такви случаи, формирањето на редакција не треба да претставува преголем проблем, бидејќи се исполнети сите предуслови.

Постојат и медиуми кои објавуваат само печатени весници и списанија. Тие обично немаат сниматели и уредници на видеа, што значи дека немаат внатрешни можности да формираат редакција за создавање брендирана содржина. Сепак, ова не значи дека тие не треба да работат на тоа. Иако ова може да бара дополнителен ангажман и одредена реорганизација, дури и такви медиуми можат да формираат редакција за да создадат брендирана содржина.

Првото нешто што тие треба да направат е да ангажираат дополнителен персонал кој вклучува екипа од сниматели, уредници на видео и евентуално креатори на содржини. Веројатно сега го мислите следново: ако тие веќе значително го надминале својот буџет, нема шанси да можат да си дозволат да ангажираат цел тим од нови луѓе. Сепак, токму затоа основањето на редакција за креирање брендирана содржина е најдобро решение.

Приходите што може да ги обезбеди редакцијата, дури и во мали тимови со само неколку луѓе, можат далеку да ги надминат трошоците за луѓето кои се вработени или ангажирани во неа. Со други зборови, редакцијата за креирање брендирана содржина создава профит што може да се искористи за покривање на недостатокот создаден од другите редакции во медиумската куќа.

Значи, ако сте се прашувале како да го решите проблемот со финансирање во вашата медиумска куќа, можеби е време да ги преземете работите во свои раце! Ако ви требаат дополнителни упатства за поставување редакција за креирање брендирана содржина или организирање на вашата работа, готвуваме следна статија со сите одговори.

Јернеј Вербиќ е експерт по новинарство, медиумска продукција и претприемништво во домените на комуникација и брендирање. Тој има 20 годишно искуство како уредник и репортер во јавниот радиодифузен сервис РТВ Словенија; најголемата комерцијална телевизија во Словенија, „POP TV“ и дневниот „Delo“ дописник од Њујорк за дневниот „Dnevnik“; и менаџер за проект и развој во Словенечката Асоцијација на Новинари. Во моментов, тој е Управувачки партнер на редакцијата на брендот „Dobre zgodbe“, претежно работи како консултант за брендирање редакции, раскажување деловни содржини, содржина на дигитални медиуми и развој на стратегија за различни медиуми на Западен Балкан.

Кристијан Жан Радиковиќ е искусен „мастер на зборови„ кој магистрирал по англиски јазик и е посветен на поезијата. После хонорарна кариера како преведувач, толкувач и лектор, работел како автор на текстописец за меѓународна крипто размена. Со искуството што го стекнал, своето место го најде во редакцијата на брендот „Dobre zgodbe “, каде што спроведува истражување и пишува текстови за локални и глобални брендови.

Поврзани статии:

Линеарната телевизиска програма, барем во поразвиените земји, наскоро најверојатно ќе се најде на смртна постела. Сè помалку гледачи седат
01-Razmišljajte-izvan-TV-kutije.png
Доколку овој текст беше пишуван околу 2010 година, веројатно би започнал со фраза како „Социјалните мрежи се иднината на
Journalism-today-Media-newsrooms-in-a-race-with-social-media-algorithms

Врвни стории од Journalift:

Вештачката интелегенција, на многу начини, е револуционерен настан, какви што беа печатницата на Гутенберг во 15 век, или радиото, телевизијата, па дури и интернетот во 20 век. Тоа е технологија која трајно ќе го преобликува општеството. За многумина од нас, вештачката интелигенција значи она што сме го научиле од повеќето дистописки филмови (Одисеја 2001, Терминатор, Матрикс, Блејд Ранер, …).
Работењето на веб-страницата на вашиот бизнис, може подеднакво да биде и возбудлив и застрашувачки ангажман. Возбудлив, бидејќи ви овозможува

Теми:

Најнови статии:

Навигација на ветувањата и опасностите на вештачката интелигенција: Што секој медиумски професионалец треба да знае за ЧетГПТ
Вештачката интелегенција, на многу начини, е револуционерен настан, какви што беа печатницата на Гутенберг во 15 век, или радиото, телевизијата,
Разбијте го кодот: Како да разговарате со програмерите за (ре)дизајнирање на веб-страницата на вашиот медиум
Работењето на веб-страницата на вашиот бизнис, може подеднакво да биде и возбудлив и застрашувачки ангажман. Возбудлив, бидејќи ви овозможува да
Како ЧетГПТ (ChatGPT) ќе ги промени новинарството и медиумите?
Го замолив ЧетГПТ да го напише овој текст за мене. Секако дека го направив тоа. Поставував и преформулирав прашања, за