КумановоЊуз, со поддршка од проектот Media for All, полека прераснува од локален во регионален медиум. Овој онлајн портал успеа да го прошири своето работење за кратко време, и сега произведува мултимедијална содржина за значајни теми и настани не само од кумановскиот крај, туку и од целиот североисточен регион.
„Нашиот портал постои повеќе од 13 години и ова е прв пат локалните медиуми да се во самиот центар на еден странски проект. Благодарение на поддршката која ја добиваме преку овој проект започнавме со производство на мултимедијални содржини. Покрај тоа, започнавме да развиваме и регионален пристап во нашата работа, а исто така и да воспоставуваме подлабоки врски со нашите сограѓани од регионот,“ рече Сузана Николиќ, главен и одговорен уредник на КумановоЊуз, додавајќи дека токму како резултат на регионалниот пристап бележат постојан пораст.
Од март 2021 КумановоЊуз има произведено око 1000 кратки вести, 1060 фотографии, 6 мултимедијални видео приказни, 3 анализи опремени со инфографики, како и уште 3 стории опремен со графики и визуали. Некои од овие стории беа дури и преземени и објавени од големи национални медиуми.
Мултимедијалниот пристап во работењето, споредено со истиот период лани, резултираше со севкупен пораст на читаноста од околу 25%.
„Кога објавуваме истражувачки или мултимедијални приказни посетата ни расте и до 25000 посети дневно. Исто тако и претплатниците на нашата Фејсбук страна пораснаа од 28000 на 31000,“ рече Николиќ додавајќи дека расте и посетата од целиот североисточен регион како и од дијаспората.
Досега КумановоЊуз, со поддршка од менторите и експертите на Фондацијата Томсон, разви маркетинг стратегија, добија нова веб страна, вработи неколку нови работници, а воедно ја прошири и дописничката мрежа.
