Gazetaria mobile do të thotë liri. Me celularin tuaj, mund të krijoni lehtësisht përmbajtje mediatike nga kudo. Krijimi i përmbajtjes cilësore gazetareske me një celular si mjetin kryesor nuk është zgjeruar ende plotësisht në Ballkan. Telefonat celularë janë një mjet i rëndësishëm për gazetarët, por shumica e mediave kryesore ballkanike nuk e përdorin plotësisht potencialin dhe aftësinë e tyre për të krijuar përmbajtje të fuqishme video. Ekziston një mundësi e shkëlqyer, jo vetëm për çdo media, por edhe për çdo gazetar.
Kursi është menduar për të gjithë gazetarët që duan të krijojnë në mënyrë të pavarur përmbajtje gazetareske. Duke shpjeguar teknikat dhe praktikat më të mira për krijimin e përmbajtjeve përmes një telefoni celular, gazetarët do të përgatiten në mënyrë të pavarur, pa ndonjë ndihmë për të krijuar histori tërheqëse, video të fuqishme vizualisht, intervista dhe t’i publikojnë ato në çdo medium.
Përmbajtja e kursit:
- Pjesa 1 – Tregon strukturën e kursit dhe shpjegon konceptet baze të gazetarisë mobile.
- Pjesa 2 – Përshkruan avantazhet e gazetarisë përmes telefonit celular dhe pajisjet e nevojshme për të përfunduar këtë kurs.
- Pjesa 3 – Përshkruan bazat e gazetarisë mobile – fotografimin dhe këshilla për të shkrepur fotografi cilësore me telefonin celular
- Pjesa 4 – Shpjegon elementin e dytë të gazetarisë mobile – videon dhe këshilla për të krijuar video cilësore me telefon celular
- Pjesa 5 – I dedikohet këshillave për regjistrimi cilësor të audios (zërit), duke përdorur telefonin celular.
- Pjesa 6 – Shpjegon fazën e fundit – montimin e kronikave gazetareske përmes telefonit celular, duke përdorur aplikacione pa pagesë.
Koha e nevojshme për të përfunduar të gjitha sesionet e këtij kursi online është katër orë.