Повеќе од 250 новинари, уредници и медиумски менаџери, од 80 медиуми од 6-те земји на Западен Балкан, учествуваа во активности врзано за градење на капацитетите, во рамките на проектот, „Медиуми за сите“, во периодот од мај до август 2021 година.
Оваа компонента на програмата беше координирана од Фондацијата Томсон и резултираше со:
- одржување на 17 онлајн групни сесии за обука, со превод на локалните јазици, за повеќе од 190 учесници, кои добија повеќе сознанија за маркетингот и продажбата, за мобилното новинарство, креирањето на подкасти, за збирното финансирање (краудфундинг) и за многу други теми;
- 15 групни сесии за обука и техничка поддршка во врска со алатката за мерење на ангажманот на дигиталната публика на медиумите, беа одржани за 39 учесници;
- одржување на околу 30 еден на еден сесии за градење на капацитетите, каде што експерти работеа и ги консултираа медиумите во области како што се имплементацијата на системите за е-плаќање, подкастингот, маркетингот, уредничкиот менаџмент, интеграцијата во редакцијата и многу други теми;
- објавени се два курса за е-учење со повеќе од 70 регистрирани професионалци.
„Компонентата-градење на капацитетите, која е дел од проектот ‘Медиуми за сите’ (МЗС), со текот на времето се зголеми и беше проширена и прилагодена за да овозможи нови знаења и вештини за повеќе од 80 медиуми од целиот регион“,
изјави, Јелена Ожеговиќ, координатор за медиумска поддршка и МЕЛ на Фондацијата Томсон.
Некои медиуми започнаа активно да користат нови алатки и графички елементи, за мултимедијално да ја збогатат својата содржина, се воведуваат нови работни текови во редакциите и уредувачки менаџмент, и се развиваат нови стратегии за маркетинг и градење на заедницата.
„Сите овие резултати беа направени благодарение на големиот интерес, на посветеноста и на мотивацијата на медиумските професионалци, кои беа вклучени во компонентата - градење на капацитетите“,
заклучи Ожеговиќ. Таа додаде дека прилагодената поддршка ќе продолжи во текот на целиот проект, со цел да се добијат максимални резултати.
