Gjatë periudhës maj-gusht 202, mbi 250 gazetarë, redaktorë dhe menaxherë të mediave nga 80 media në 6 vendet e Ballkanit Perëndimor morën pjesë në trajnime për ngritjen e kapaciteteve në kuadër të Projektit “Media për të gjithë”.
Ky komponent i projektit koordinohet nga Fondacioni Thompson dhe disa nga rezultatet e tij janë:
- Organizimi i 17 seancave trajnimi online në gjuhët e vendeve ku organizohen me mbi 190 pjesëmarrës që mësuan për marketingun dhe shitjet, gazetarinë e lëvizshme, krijimin e podkasteve, gjenerimi dhe mbledhja e fondeve, dhe shumë tema të tjera;
- Organizimi i 15 seancave trajnimi dhe ofrimi i asistencës teknike për 39 pjesëmarrës në lidhje me instrumentet e matjes së angazhimit të audiencës dixhitale tek mediat;
- Rreth 30 seanca individuale për ngritje kapacitetesh ku ekspertët punuan dhe u dhanë konsulencë mediave në fusha të ndryshme, si zbatimi i sistemeve të pagesave elektronike, podkasting, marketingu, administrimi i redaksive, integrimi i redaksive të lajmeve, dhe shumë tema të tjera;
- Dy kurse mësimi online të publikuara ku janë regjistruar mbi 70 profesionistë.
“Komponenti i ngritjes së kapaciteteve i Projektit “Media për të gjithë” u zhvillua shumë gjatë kësaj periudhe dhe u zgjerua e i përshtat për të ofruar njohuri dhe aftësi të reja për më shumë se 80 organe mediatike në të gjithë rajonin,”
tha Jelena Ožegović, Koordinatore për Mbështetjen e Medias dhe MEL (e-mësimi online) pranë Fondacionit Thomson.
Disa media kanë filluar tashmë të përdorin aktivisht instrumentet e reja dhe elementë grafikë për të pasuruar përmbajtjen me multimedia; po prezantohen struktura të redaksisë së lajmeve dhe menaxhimi i redaksive si dhe po hartohen strategji të reja marketingu dhe për krijimin e komunitetit.
“Të gjitha këto rezultate u bënë të mundura falë interesit të madh, angazhimit dhe motivimit të profesionistëve të medias që u përfshinë në komponentin e ngritjes së kapaciteteve,”
përfundoi fjalën e saj Ožegović duke shtuar se do të vazhdohet me mbështetjen e personalizuar gjatë gjithë periudhës së projektit për të rritur rezultatet e tij.