Бренд редакција: Организација и тек на работата

 минути читање

Brand-Newsroom-Organization-and-Workflow.

Малите медиуми се борат за финансиска поддршка на нивната агенда на вести, што често ги принудува овие медиуми да бараат финансирање однадвор. Но, постои подобра и поодржлива алтернатива. Како што наведовме во нашата претходна статија, медиумите можат да го преземат ова прашање во свои раце, со формирање на сопствена бренд редакција (редакција за креирање на брендирани содржини). Ова им овозможува да заработат преку маркетинг активности за брендовите, кои повеќе не се фокусираат на директно продавање на своите производи или услуги, туку на негување на односот со своите корисници и градење лојални заедници.

Сепак, медиумите што основаат бренд редакција треба да бидат претпазливи при изборот на клиенти со кои ќе работат. Тие мора да останат верни на високите етички стандарди на новинарството, со цел да не го компромитираат сопствениот кредибилитет и да не ја ризикуваат својата репутација. 

Ова значи дека медиумите треба да соработуваат само со брендови кои се усогласени со вредностите на самиот медиум.

Затоа, брендот што прифаќа одржливост на животната средина, е совршен клиент за медиумот, кој често покрива теми за загадувањето на животната средина и за климатските промени.

Дополнително, за да се остане на безбедната страна, мора да се направи јасна разлика помеѓу новинарите што покриваат вести и продуцентите на содржини, ангажирани во бренд редакцијата. Во спротивно, кредибилитетот на медиумот повторно може да биде загрозен, доколку протечат контроверзни информации што го загрозуваат интегритетот на брендот. Во овој случај, медиумот може да се најде на удар, како и самиот бренд, што може да биде пропратено со потенцијална можност за губење на значителен дел од својата дотогашна лојална заедница.

Редакции и бренд редакции: Две страни на ист медал

Редакции и бренд редакции: Две страни на ист медал

Ако е ова толку ризично, тогаш зошто воопшто да се трудите да формирате бренд редакција? Одговорот е едноставен.

Дури и ако го ставиме настрана финансискиот фактор - што е веќе само по себе огромна предност - има придобивки што треба да се земат предвид.

Прво, бренд редакцијата бара ангажирање на визуелни продуценти, како што се видео уредници, графички дизајнери, дизајнери на движења и визуелни коментатори. Вработувањето или ангажирањето на овие толку потребни лица е корисно, не само за бренд редакцијата, туку воопшто и за медиумот, бидејќи може да ја зголеми дополнителната вредност на произведените вести.

И, второ, на бренд редакцијата, исто така, ѝ требаат маркетинг агенти или најмалку поединци кои имаат значително искуство во областа на маркетингот. Нивната улога во бренд редакциите е непроценлива, бидејќи тие можат да ги преточат рекламните апетити за искористување на агендата на дневни вести, во висококвалитетна содржина, која индиректно пласира производ или услуга со едукативна, информативна и/или забавна содржина. Во свет во кој повеќето потрошувачи можат да ги проѕрат рекламните трикови, ваквите индиректни маркетинг стратегии можат да направат чуда во зајакнувањето на бренд заедницата.

Одредени моќни брендови веќе го користат овој пристап. Таков пример е „Меркатор“ - голем регионален трговски ланец за продажба на мало на Западен Балкан, кој креираше своја платформа со содржини наречена М Ѕоѕеѕка. Платформата содржи видео содржини со забавна и практична вредност, опфаќа теми како што се готвење, вежбање, одржување на домаќинството, игри, како и интервјуа со познати лица. На платформата редовно се додаваат нови содржини, со мудро и скромно интегрирано пласирање на производи.

БМВ е уште еден пример за ваква добра практика. Овој автомобилски гигант, кој со децении произведува врвни возила, неодамна ја измени својата меѓународна веб-страница.

Наместо да одат со модел ориентиран кон продажба, тие креираа портал за вести за автомобилски ентузијасти и поединци, кои го ценат начинот на живот претставен од овој германски бренд. Нивните производи дури не се ни вклучени на првата страница, што е нешто што може да им изгледа контраинтуитивно на традиционалните продавачи, туку се наоѓаат на потстраницата кон која се пристапува преку навигациското мени.

Суштината е во тоа дека сите брендови, кои сакаат да користат свои медиумски канали, мора да брцнат длабоко во својот џеб и да обезбедат значителен буџет за домашните или за надворешните креатори на вести, за да произведат своја содржина. Бидејќи медиумите веќе имаат креатори на вести, тие имаат значителна предност во искористувањето на ваквите можности. За среќа, воспоставувањето на бренд редакција не треба да биде тешка задача за еден медиум, бидејќи организацијата на работата е практично идентична со онаа на мултимедијалната редакција на секој сериозен медиум.

Организација: Делови на сложувалката

Организација: Делови на сложувалката

Значи, што му е потребно на еден медиум, за да формира бренд редакција?

Како прво - една од задолжителните работи е да имате отворен простор со одделни простории, кои ќе бидат наменети за извршување на одредени задачи. Идеално би било, поединците што вршат истражувања и произведуваат содржини, да бидат одвоени од видео уредниците. Тие треба да има посебна просторија, во која тимот може да се повлече за да одржува состаноци, за да комуницира преку Зум и да води дискусии за идеи без никој да не им пречи.

Друг важен дел во сложувалката на бренд редакцијата се профилите на вработените. Освен маркетинг агентите, чиј ангажман е задолжителен во секоја компанија што продава производи или услуги, профил кој е, исто така, потребен, е искусен извршен продуцент. Оваа личност е камен-темелник за ефикасниот тек на работата. Тие се личностите што го преведуваат она што го продаваат маркетинг агентите, на јазикот на креативните продуценти. Тие, исто така, се оние што ќе обезбедат маркетинг агентите да ја ставаат вистинската цена во однос на желбите на клиентот. И, на крај, тие се лицата што имаат одговорност да ги информираат креативните продуценти за тоа колку време имаат и колку длабоко можат да навлезат во одреден проект, врз основа на расположливиот буџет.

Следната важна личност во бренд редакцијата е продуцентот на содржини. Во зависност од обемот на работа, можеби ќе бидат потребни повеќе вакви продуценти, а не само еден. Овие личности мора да бидат способни да предвидат како ќе биде прикажано секое видео, секој блог или секоја мултимедијална приказна на поединечните канали, што клиентот сака да ги вклучи во својата комуникација. Тие, исто така, треба да имаат знаења за спроведување на истражувања, за осмислување концепти и за производство на приказни за видеосодржини.

И на крај, она што, исто така, ѝ е потребно на една бренд редакција, се луѓето што можат да го оживеат секој концепт или приказна. Во зависност од видовите содржини кои вашата идна бренд редакција се стреми да ги произведе, во профилот на овие вработени спаѓаат камермани, техничари за светло, видеоуредници, графички дизајнери и дизајнери на движења. Колку е поразновиден вашиот производствен тим, толку повеќе проекти ќе може да реализира вашата бренд редакција.

Organization-The-Pieces-of-the-Puzzle.jpg
Профили на вработени во редакциите за дневни вести и бренд редакциите

Практика на Балканот: Види Вака од Северна Македонија

Медиумите кои веќе имаат мултимедијални тимови имаат огромна предност, бидејќи тие веќе ги имаат потребните внатрешни ресурси за производство на мултимедијална содржина. Еден таков пример на Западен Балкан е Види Вака. Овој македонски медиум веќе има видео тим кој изработува свои вести на социјалните медиуми, иако му недостасуваат неколку профили на вработени, за да формира своја бренд редакција. Со овој медиум работевме заедно на надградба на нивниот бизнис и, досега, сѐ оди според планираното:

  1. Тие најдоа експерт за дигитален маркетинг, кој дизајнира формати на содржини за нивните (идни) клиенти. Во исто време, тој работи и на оптимизирање на перформансот на вестите на Види Вака, што веќе дава ветувачки резултати. Со само неколку стории, Види Вака ги урна сите досегашни, веќе завидни рекорди. Меѓу другото, некои од овие стории стигнаа скоро до секој корисник на Фејсбук во Северна Македонија, а нивните преведени приказни што опфаќаат регионални теми, достигнаа и до завиден дел од српската јавност, која претходно и не знаеше многу за овој  македонски медиум.
  1. Тие, исто така, вработија експерт за продажба, кој ги креира понудите и ги детектира потребите на пазарот. Врз основа на овие анализи, студиото за стории на Види Вака, веќе го искористи своето производствено знаење, за да развие нов производ - интерактивна сторија за активностите за брендирање на работодавачи во ИТ компаниите. Важно беше тие да развијат само ЕДЕН специјализиран производ, кој беше специјално прилагоден за сегментот на пазарот - иако тоа го правеа врз основа на претходните искуства. Откако ќе ги видат резултатите од продажбата и анализата, тие ќе можат да го развијат следниот производ. Без оглед на ова, компаниите сѐ уште можат да нарачаат видеоприказни или документарни серии од овој медиум, чие седиште е во Скопје. Впрочем, ова е нивната долгорочна конкурентска предност.
  1. Кога се завршуваше овој текст, тие вработија и продуцент за содржини, кој ќе работи на брендирани содржини. Ова е клучно - и за ова ние многу разговаравме во рамките на симулациите на маркетиншките ситуации од реалниот живот и за време на работилниците - затоа што не сакаме да го компромитираме кредибилитетот на новинарите во тимот. Гледајќи како нивните стории достигаат респектабилен број на луѓе, кои веруваат во известувањето на независните медиуми, ова е единствениот начин да се стори тоа. Во иднина, нашите дискусии ќе продолжат во оваа насока. Тимот новинари мора да остане „свет“ и никогаш не смееме да заборавиме дека бренд редакцијата е тука само за да обезбеди доволно ресурси за тимот новинари, со цел тие да можат да ја исполнат својата должност кон јавноста.

Многу медиуми - особено оние без постоечки мултимедијален тим - најверојатно ќе треба да направат поголема инвестиција и да ангажираат поголем број на нови профили на вработени. Но, како што веќе објаснивме, ова не е причина поради која треба да се откажеме. Ангажирањето на ваквите профили во (бренд) редакцијата, дефинитивно ќе се исплати на подолг рок, и во однос на приходите, и во однос на квалитетот на произведени вести.

Тек на работата: клучот е во тесната соработка

Тек на работата: клучот е во тесната соработка

Со секој нов проект на повидок, првите луѓе што треба да зачекорат во него, се вашите продуценти за содржини и истражувачи. Тие се оние кои треба да откријат што му треба на вашиот (потенцијален) клиент, да го спроведат потребното истражување и да предложат оптимално решение за тој клиент. Имајте на ум дека клиентите често имаат идеја, што е она што ѝ недостасува на комуникацијата, но не ретко не успеваат да ја видат пошироката слика. Наместо да се фокусираат на болните точки на нивните крајни потрошувачи, тие обично поаѓаат од своите. Затоа, држете се до вашето предложено решение, дури и ако не е целосно во согласност со почетната замисла на клиентот. На крајот на краиштата, ваша работа е да го задоволите крајниот корисник, а не клиентот!

Овие први фази на соработка обично бараат најмногу и одземаат многу време, и можеби ќе треба да поминете неколку состаноци пред конечно да ги добиете сите потребни информации и да постигнете заедничка основа со вашиот клиент. Но, од суштинско значење е да го направите тоа. Вие сте експерт во областа на комуникацијата со содржини - доколку вашиот клиент беше експерт, тој самиот ќе ја продуцираше потребната содржина, наместо за таа работа да смета на вашата бренд редакција.

Откако ќе завршите со брифингот и испитувањето, соберете го тимот што ќе работи на проектот. Запомнете дека клучот за квалитетно продуцирање на содржини во бренд редакцијата, е мултидисциплинарниот пристап. 

Причината поради која ги имате сите овие различни профили на вработени, не е само да го истуркате секој проект низ сите потребни фази, туку и да ги вклучите сите профили, во секој чекор од процесот.

Оттука, од суштинско значење е членовите на тимот кои работат на еден проект, тесно да соработуваат меѓусебе. На пример, кога продуцентот на содржини пишува синопсис, тој треба, за какви било анимации, да разговара со дизајнерот на движење. Постојат две причини за ова. Прво, продуцентот на содржини можеби не знае колку е тешка и колку многу време одзема неговата предвидена анимација. И, второ, продуцентот на содржини и дизајнерот на движење, може заедно да најдат подобро решение, од решението на продуцентот на содржини до кое тој дошол сам, доколку ги разгледаат сите идеи што ги имаат. Ваквата тесна соработка ќе обезбеди вашите проекти да бидат добро спроведени - и од гледна точка на времето и од аспект на конечниот квалитет.

Но, како воопшто да го реализирате првиот проект на вашата бренд редакција?

Управување со бренд редакцијата: мали чекори кон голема цел

Управување со бренд редакцијата: мали чекори кон голема цел

Кога вашата бренд редакција ќе почне со работа, започнете со мали чекори, но со голема цел. Со други зборови, размислувајте стратешки. Можете да започнете со додавање на видеосодржина на вашите текстови на дигиталните платформи и со тоа да продолжите. Постепено, ќе стигнете до моментот кога ќе можете да предложите проект на добар клиент или можеби и тие самите ќе ве контактираат доколку наидат на вашата содржина. Може да им предложите поставување на нивна сопствена платформа на содржини. Како алтернатива, може да предложите тековна кампања за комуникација со содржини, со објавување на содржини на неделна база, на каналите на социјални медиуми на клиентот.

Без разлика на кој начин ќе одлучите да одите со вашата бренд редакција, имајте на ум дека целата идеја за нејзино основање, е со цел да се обезбедат нови приходи за вашиот медиум и дополнително да се зголеми вредноста на вашите вести. Бидете отворени во врска со идејата да имате бренд редакција и - што е уште поважно - негувајте ја исто толку колку што ги негувате вашите новинари. Тие се првите и најважни клиенти на вашата бренд редакцијата, затоа бидете сигурни дека ќе дадете сѐ од себе кога изработувате инфографики, видеоприказни и содржини за брендирање на работодавачите.

Медиумите, во денешното општество, сѐ уште имаат голема моќ. Освен што имаат огромен досег, тие, исто така, имаат и неограничен потенцијал да влијаат врз другите. Значи, секогаш кога еден огласувач или клучен носител на одлуки од јавна платформа ќе забележи медиум кој нема само квалитетни вести, туку и силна кампања за комуникација со содржини, тие ќе го сакаат истото и за нивниот клиент, компанија или бренд.

Главната одговорност на медиумите е да ги едуцираат луѓето.

А сега е време да се едуцираат и огласувачите и да им се даде до знаење дека времето кога се губеа пари на скапи реклами без никаква содржина, е поминато. Крајно време е сите - вклучително и големите брендови - да започнат да произведуваат вистинска содржина.

Можеби понекогаш ќе се најдете во ситуација кога нема да можете да постигнете заедничка основа со некој потенцијален клиент, но нема апсолутно ништо лошо во тоа. Она што е важно е да заземете правилен став и да застанете на иста позиција со експертизата и основните вредности на вашиот медиум.

Јернеј Вербиќ е експерт по новинарство, медиумска продукција и претприемништво во домените на комуникација и брендирање. Тој има 20 годишно искуство како уредник и репортер во јавниот радиодифузен сервис РТВ Словенија; најголемата комерцијална телевизија во Словенија, „POP TV“ и дневниот „Delo“ дописник од Њујорк за дневниот „Dnevnik“; и менаџер за проект и развој во Словенечката Асоцијација на Новинари. Во моментов, тој е Управувачки партнер на редакцијата на брендот „Dobre zgodbe“, претежно работи како консултант за брендирање редакции, раскажување деловни содржини, содржина на дигитални медиуми и развој на стратегија за различни медиуми на Западен Балкан.

Кристијан Жан Радиковиќ е искусен „мастер на зборови„ кој магистрирал по англиски јазик и е посветен на поезијата. После хонорарна кариера како преведувач, толкувач и лектор, работел како автор на текстописец за меѓународна крипто размена. Со искуството што го стекнал, своето место го најде во редакцијата на брендот „Dobre zgodbe “, каде што спроведува истражување и пишува текстови за локални и глобални брендови.

Поврзани статии:

Работењето на веб-страницата на вашиот бизнис, може подеднакво да биде и возбудлив и застрашувачки ангажман. Возбудлив, бидејќи ви овозможува
Во моментов, Рамизе Салихај е на одмор со семејството дома во Косово, за првпат откако започна да работи како
01-The-fight-for-a-job-sends-nurses-to-GermanyThe-right-way-to-report-on-solutions.png
Истражувањата покажуваат дека медиумите и локалните веб-страници, се најголемите губитници на пазарот на дигитално рекламирање. Сѐ повеќе се инвестира

Врвни стории од Journalift:

Вештачката интелегенција, на многу начини, е револуционерен настан, какви што беа печатницата на Гутенберг во 15 век, или радиото, телевизијата, па дури и интернетот во 20 век. Тоа е технологија која трајно ќе го преобликува општеството. За многумина од нас, вештачката интелигенција значи она што сме го научиле од повеќето дистописки филмови (Одисеја 2001, Терминатор, Матрикс, Блејд Ранер, …).
Работењето на веб-страницата на вашиот бизнис, може подеднакво да биде и возбудлив и застрашувачки ангажман. Возбудлив, бидејќи ви овозможува

Теми:

Најнови статии:

Навигација на ветувањата и опасностите на вештачката интелигенција: Што секој медиумски професионалец треба да знае за ЧетГПТ
Вештачката интелегенција, на многу начини, е револуционерен настан, какви што беа печатницата на Гутенберг во 15 век, или радиото, телевизијата,
Разбијте го кодот: Како да разговарате со програмерите за (ре)дизајнирање на веб-страницата на вашиот медиум
Работењето на веб-страницата на вашиот бизнис, може подеднакво да биде и возбудлив и застрашувачки ангажман. Возбудлив, бидејќи ви овозможува да
Како ЧетГПТ (ChatGPT) ќе ги промени новинарството и медиумите?
Го замолив ЧетГПТ да го напише овој текст за мене. Секако дека го направив тоа. Поставував и преформулирав прашања, за