Медиумите се соочуваат со многу предизвици во овој дигитален свет во кој живееме и работиме. Овој курс е дизајниран да ве запознае со процесите и начините на структурирање и водење редакции – без разлика дали се мали или големи. Работните процеси се менуваат, а исто така се менуваат и барањата на публиката. Новите технологии наметнуваат поинаков начин и динамика на производство, така што треба да се прилагодиме и на тоа. На овој курс ќе се запознаете со идеите и трендовите во медиумската индустрија, ќе научите и процените дали можете да примените дел од тоа во вашите редакции.
Целта на овој курс е стекнување на знаење што ќе ви овозможи не само да разберете, туку и да ги прилагодите и создадете работните процеси што ќе ја модернизираат вашата редакција и да научите како да управувате со тоа за да медиумите станат поконкурентни во дигиталното опкружување.
Курсот е поделен на 6 модули:
- Модул 1 – Ви дава преглед на курсот и ќе ве запознае со новите трендови во медиумскиот свет.
- Модул 2 – Ќе се запознаете со поимите „конвергенција“ и „digital first“, но исто така и со важноста од познавање на публиката.
- Модул 3 – Што е интегрирана редакција и како да се создаде и управува со истата? Поминувајќи низ овој дел од курсот, учејќи, задачата ќе биде да нацртате нов модел на вашата интегрирана редакција и да создадете свои, прилагодени работни процеси.
- Модул 4 – Редакциската култура е исклучително важна во контекст на digital first стратегијата, ќе се научат добри начини на комуникација во редакцијата и управување со неа.
- Модул 5 – Целта на овој дел од курсот е да се запознае со различни видови на мултимедијално известување, нови концепти и форми во новинарството.
- Модул 6 – Ќе научите како да управувате со редакцијата, како да зајакнувате лица во различни уреднички улоги, да се грижите за вработените и да создадете здрава работна околина за нив.
Овој курс можете да го завршите за 8 часа во повеќе сесии за 10 дена.
Овој онлајн курс е изработен во рамки на проектот „Медиуми за сите“, финансиран од страна на Канцеларијата за надворешни работи, Комонвелт и Развој (FCDO) и изготвен од конзорциум на организации предводени од Британскиот совет, во партнерство со Балканската мрежа за истражувачко новинарство (БИРН), INTRAC и Фондацијата Томсон (ТФ).