5 gjëra që media mund të mësojë nga sipërmarrësit

Zhelko Crnjakoviq

Zhelko Crnjakoviq

Post Author

Lexim  minutësh

5-stvari-koje-mediji-mogu-nauciti-od-preduzetnika

Sipërmarrja ka qenë gjithmonë fusha më turbulente dhe dinamike e biznesit. Ka shumë përpjekje dhe dështime, dhe shumica e sipërmarrësve që përpiqen të bëjnë diçka, dështojnë në 5 vitet e para të ekzistencës. Nga ana tjetër, sipërmarrja është një nga profesionet që sjell më shumë kënaqësi dhe shpërblime për ata që fillojnë dhe më pas e lënë atë.

Të kesh vullnet, forcë dhe këmbëngulje të mjaftueshme për të vijuar në sipërmarrje është thelbësore dhe jo të gjithë mund ta bëjnë atë. Media sot, posaçërisht media më e vogël dhe e pavarur janë në të njëjtën situatë. Të kesh vullnet, forcë dhe këmbëngulje për të ndërtuar diçka nga e para, të durosh derisa e gjithë përpjekja dhe puna të paguajë dhe pastaj ta bësh atë në cikle nga viti në vit, është diçka që vetëm më këmbëngulësi mund ta bëjë. Sidoqoftë, përveç këmbënguljes, është e nevojshme të punohet më zgjuarsisht, më fleksibël dhe të mos krahasoheni me kompanitë e mëdha mediatike dhe buxhetet e tyre, por të mendohninë mënyrë të qëndrueshme.

Vendosini vetes një plan dhe qëllime të qarta

Sipërmarrja është e mbushur me suksese dhe dështime në baza ditore dhe mënyra e vetme që biznesi juaj të rritet dhe të prodhojë rezultate është të keni një plan të qartë të asaj që dëshironi të arrini.

Është e rëndësishme të bëhet dallimi se cilat janë aktivitetet dhe shërbimet që sjellin të ardhura dhe cilat kontribuojnë në suksesin dhe qëndrueshmërinë e biznesit, si dhe cilat janë ato që nuk kontribuojnë në të.

Duhet të vendosen objektiva ambiciozë por edhe të qëndrueshëm. Ata mund të ndahen në:

Vendosini vetes një plan dhe qëllime të qarta

Thjesht përcaktimi i objektivave dhe qëllimeve duhet të shkojë sipas kësaj radhe: së pari vendosni objektivat vjetorë, pastaj ato ditorë, gjithmonë duke parë hapat “më të vegjël” që mund të ndërmerrni, të cilat ju lëvizin një hap më pranë qëllimit më të madh. Procesi kryhet aq shpesh sa keni caktuar objektivat – do t’i kryeni ato një herë në vit, çdo javë, dhe ato ditore para çdo dite në vijim.

Kjo është e rëndësishme sepse duhet të keni një qëllim të madh për të cilin po përpiqeni dhe që do t’ju tregojë gjithmonë drejtimin e duhur. Fakti që qëllimi është i madh do të thotë gjithashtu se nuk është e lehtë për tu arritur. Prandaj, ju mund të humbni zellin ose vullnetin tuaj në rrugën e realizimit të tij.

Duke vendosur qëllime më të vogla, ditore dhe javore, ju i vendosni vetes qëllime që mund t’i arrini më lehtë, që sjellin rezultate dhe që ju japin ndjesinë e arritjes kur t’i arrini ato.

Të gjithë qëllimet më të vogla gjithmonë mund të përshtaten dhe ndryshohen lehtësisht, por është e rëndësishme që ato gjithmonë të vendosen në lidhje me kontributin për një qëllim më të madh, vjetor ose përfundimtar.

Mos humb para

Mos humb para

Sipërmarrja, si çdo biznes tjetër i vogël, gjithmonë ka një problem me qëndrueshmërinë, me të ardhurat dhe fitimin. Shumat e xhirove janë në mënyrë drastike më të ulëta sesa në ndërmarrjet e mëdha, por lëkundjet që “trondisin” bizneset e vogla janë të tilla që ndonjëherë është e vështirë të qëndrosh në këmbë.

Është e lehtë të kesh zili buxhetet, burimet, ekipet dhe pajisjet në dispozicion të kompanive të mëdha. Si një biznes i vogël, duhet të shpenzoni me mençuri dhe të investoni atje ku nevojitet. Sigurisht, është e rëndësishme të kemi cilësi, por me teknologjinë e sotme, cilësia mund të gjendet edhe në pajisje që kushtojnë vetëm një përqindje të sasisë së pajisjeve të përdorura nga ndërmarrjet e mëdha.

Merrni si shembull, kur shkoni në një event ose një intervistë. Disa media vijnë me pajisje të shtrenjta dhe të mëdha, kamera televizive, tripod, ndriçim, mikrofona të shtrenjtë, por me pak mendim krijues, ju mund të arrini regjistrimin dhe një material cilësor me një smartphone në një stabilizues të vogël, regjistrues dixhital zëri me mikrofon të drejtuar ose bug dhe një pozicion të mirë gjatë shkrepjes në krahasim me dritën natyrore.

Telefonat inteligjentë, aparatet dixhitalë, regjistruesit dixhitalë të zërit, kompjuterët, interneti, dizajni – e gjithë kjo është diçka për të cilën duhet të caktoni një shumë të caktuar, por gjithashtu duhet të jeni realistë për atë që ju bën punë dhe se çfarë është mirë të keni.

Një mënyrë për të kontrolluar kostot është të krijoni një listë kostosh ku do t’i ndani ato në kosto që ju nevojiten, ato që janë të pranueshme dhe ato që janë luks. Do të shihni shumë shpejt që nuk do të përdorni as shpenzime luksi por që madje do të shkurtoni lehtësisht shpenzimet e pranueshme nëse është e nevojshme. Gjëja më e vështirë do të jetë të dalloni ato kosto që janë absolutisht të nevojshme.

Krijoni një ekip fleksibël

Krijoni një ekip fleksibël

Një nga avantazhet e sipërmarrësve dhe bizneseve të vogla është se ato janë sisteme të vogla. Si të tillë, ata janë lehtësisht të përshtatshëm për situata të ndryshme që kërkojnë shkallëzimin e ekipit.

Të paturit punonjës me kohë të plotë mund të jetë një përfitim i madh, por gjithashtu mund të jetë një barrë e madhe. Një ekip i madh mund të jetë i dobishëm, por ju duhet të dini se si ta përdorni atë, dhe posaçërisht se si të siguroni sukses të mjaftueshëm të procesit të biznesit dhe punës, si dhe financiar për ta bërë atë të qëndrueshëm në planin afatgjatë.

Kur jeni një biznes i vogël, si dhe në kosto, është e dobishme të shikoni se cilët janë anëtarët më të nevojshëm të ekipit – pa të cilët biznesi nuk mund të funksionojë dhe nëse mund t’i punësoni. Jo vetëm për t’i punësuar, por për të krijuar xhiro të mjaftueshme nga muaji në muaj për të siguruar pagat e të gjithë anëtarëve të ekipit dhe për të mbuluar të gjitha detyrimet e tjera.

Kjo nuk do të thotë që ju nuk duhet të përdorni individët që ju duhen herë pas here që biznesi juaj të përfitojë nga njohuritë apo shërbimet e tyre. Çelësi i suksesit është të krijoni një ekip fleksibël dhe një rrjet bashkëpunëtorësh, pjesët e të cilëve mund t’i aktivizoni ose çaktivizoni sipas nevojës. Kjo do të thotë që duke krijuar një rrjet bashkëpunëtorësh me të cilët bashkëpunoni në projekt, ju lidhni një marrëdhënie të tillë që t’i punësoni kur t’iu duhen, pra atëherë kur puna që duhet të bëni shkon përtej aftësive të ekipit tuaj kryesor. Gjithmonë ka reporterë të pavarur, kameramanë, redaktorë, dizajnerë, animatorë dhe punëtorë të tjerë të specializuar që punojnë me disa media, agjenci dhe punëdhënës dhe shërbimet e të cilëve mund të punësoni për një projekt. Qëllimi është të krijoni një rrjet të tillë bashkëpunëtorësh me të cilët keni një marrëdhënie të mirë dhe që e dinë se ata mund të mbështeten tek ju herë pas here për angazhime dhe një burim të ardhurash.

Mbani në mend se ju zgjidhni bashkëpunëtorë bazuar në cilësi, por edhe përgjegjësi dhe mënyrën se si ata i qasen secilit projekt, dhe këtë do ta përcaktoni gjatë bashkëpunimit të parë. Është e rëndësishme që të keni besim se ajo që keni rënë dakord do të bëhet. Nga ana tjetër, është e rëndësishme që bashkëpunëtorët tuaj t’ju besojnë juve.

Në mënyrë që ekipi juaj fleksibël të jetë i disponueshëm për ju kur keni nevojë për të, ju duhet të ndërtoni një marrëdhënie të bazuar në besim, respekt, profesionalizëm, transparencë të çmimit të projektit ose shërbimeve që po kërkoni dhe mirëkuptim të ndërsjellë.

Mësoni të përshtateni

Mësoni të përshtateni

Ne kemi përmendur tashmë se përparësia e sipërmarrësve dhe bizneseve të vogla është mundësia për tu përshtatur më lehtë, por jo vetëm që është një avantazh, por kjo aftësi është çelësi i suksesit dhe mbijetesës së çdo biznesi të vogël.

Përshtatja ndaj situatave të ndryshme (luhatjet në biznes, largimi dhe prurjet e njerëzve, paqëndrueshmëria në burimet e financimit, ndryshimet në legjislacion, etj.) është thelbësore. Si një biznes i vogël, ju nuk do të keni gjithmonë mjetet për të kapërcyer çdo pengesë ose ndërprerje që lind në biznes.

Le të marrim shembullin e pandemisë që goditi të gjithë botën, përfshirë mediat. Pandemia solli në shumë media reduktimin e aktivitetit, pamundësinë e daljes në terren, shkurtime drastike të buxheteve, pushime nga puna, dhe nga ana tjetër informacioni dhe lajmet nuk ishin kurrë të nevojshme nga publiku i gjerë. Gjithçka u ndal, për disa muaj, dhe kur rifilloi, ishte e nevojshme të adaptoheshim me situatën e re.

Përshtatja ndonjëherë përfshin:

  • Të qënit të përgatitur për disa muaj pushim
  • Të qënit të gatshëm të ndryshoni mënyrën e të bërit biznes
  • Të qënit të gatshëm të aplikoni të menduarit kreativ në zgjidhjen e problemeve
  • Të qënit të gatshëm të diversifikoni shërbimet

Përshtatja e biznesit tuaj ndaj problemeve që mund të lindin do të thotë të mos e shikoni problemin përmes prizmit të vetë-keqardhjes dhe pafuqisë ose zhgënjimit, por ta shikoni të njëjtin problem me një listë zgjidhjesh të mundshme dhe vazhdimisht të përpiqeni ta kapërceni atë.

Kur pengohesh, nuk është fundi

Kur pengohesh, nuk është fundi

Kur i shohim fëmijët të pengohen, të bien ose dështojnë në diçka gjatë provës së parë, çfarë u themi zakonisht atyre? Të ngrihen dhe të provojnë përsëri. Dihet mirë se ne kalojmë të njëjtën situatë me sipërmarrjen.

Jo gjithçka do të funksionojë për ju. Në fillim nuk do të keni sukses. Jo të gjithë do të të pëlqejnë. Dhe kjo është okay.

Për shembull, jo të gjitha podcastet janë të suksesshme, pa marrë parasysh sa përpiqemi të punojnë vazhdimisht dhe pa marrë parasysh cilësinë. Shumë nuk zgjodhën një vend të mirë dhe pavarësisht se sa investuan, ata nuk patën sukses. Por ata që arritën të pranonin se duhej të ndryshonin të gjithë konceptin, ndonjëherë edhe të gjithë temën, dinin që herën tjetër duhej hulumtuar më mirë tregun dhe për të lançuar një markë të re që do të arrinte sukses më shpejt.

Ata që duan të zgjedhin rrugën më të lehtë nuk do të zgjedhin sipërmarrjen, as do të zgjedhin median si thirrjen e tyre profesionale. Ne duhet të bëjmë diçka dhe të provojmë diçka për të parë se ku do të gabojmë dhe si ta shmangim herën tjetër. Qëllimi është të mos lejojmë që të gjitha këto disfata të na godasin dhe të mos vrasin vullnetin tonë për atë që kemi vendosur të bëjmë.

Çdo gabim është një mësim.

Asnjëherë nuk ke humbur, thjesht ke mësuar diçka.

Mbi autorin/en:

Zhelko Crnjakoviq

Zhelko Crnjakoviq është një sipërmarrës në internet. Që prej vitit 1999 punon në fushën e gjuhës angleze dhe komunikimit, ndërsa 16 vitet e fundit është angazhuar në marketing. Ai është themeluesi i agjencisë dixhitale të prodhimit audio dhe video Solutium, autor dhe prodhues i disa podkasteve dhe kanaleve YouTube, pjesë aktive e coworking, sipërmarrjes IT, si dhe koordinatori i qendrës coworking InfostudHub.
Post Author

Author

  • Zhelko Crnjakoviq

    Zhelko Crnjakoviq është një sipërmarrës në internet. Që prej vitit 1999 punon në fushën e gjuhës angleze dhe komunikimit, ndërsa 16 vitet e fundit është angazhuar në marketing. Ai është themeluesi i agjencisë dixhitale të prodhimit audio dhe video Solutium, autor dhe prodhues i disa podkasteve dhe kanaleve YouTube, pjesë aktive e coworking, sipërmarrjes IT, si dhe koordinatori i qendrës coworking InfostudHub.

Lexo artikujt:

Historitë më të mira nga Journalift:

Blerjana-Bino-The-role-of-media-organisations-in-promoting-media-literacy
Post Author
Edukimi për median dhe informacionin (EMI)është thelbësor për ta mundësuar aftësinë e qytetarëve të mendojnë në mënyrë kritike dhe të klikojnë me mençuri. Siç thotë UNESCO: ““Edukimi për Median dhe Informacionin është një grup kompetencash të ndërlidhura që i ndihmojnë njerëzit të maksimalizojnë avantazhet dhe të minimizojnë dëmet në peizazhet e reja digjitale komunikuese të informacionit”(përkufizimi EMI). Ky artikull

Tema:

Artikujt më të fundit:

Roli i organizatave mediatike në mbështetjen e shkrim-leximit mediatik
Edukimi për median dhe informacionin (EMI)është thelbësor për ta mundësuar aftësinë e qytetarëve të mendojnë në mënyrë kritike dhe të
Shmangia e lajmeve në rritje, besimi në lajmet në rënie – njohuritë kryesore nga Raporti i Lajmeve Digjitale 2022.
Mediat kanë luajtur një rol vendimtar në mbulimin e pandemisë COVID-19 dhe luftës së Rusisë në Ukrainë. Megjithatë, njerëzit janë
Liria nga ndëshkimi
Mosndëshkimi, n.: përjashtimi ose liria nga ndëshkimi, dëmtimi ose humbja Shembull: ligjet u shkelën pa u ndëshkuar Burimi: Merriam Webster
E-tregti dhe e-pagesat: Potenciali i paperdorur për mediat
Pandemia e COVID-19 e ktheu botën përmbys, duke përfshirë industrinë e medias. Shumë media u mbyllën përgjithmonë, ndërsa në të