GraçanicaOnline, Romtegra, Radio Gorazhdevac dhe Crno Beli Svet zbatuan me sukses mjetin Engaged Citizens Reporting (ECR) në vijim të mbështjes, në kuadër të projektit Media for All project. Mjeti ECR, i zhvilluar nga BIRN, lejon komunikime më të mëdha të dyanshme midis mediave dhe audiencave të tyre. Ky mjet lejon qytetarët të sugjerojnë tema, të japin dëshmi, dokumente dhe prova për të ndihmuar mediat në përfshirjen e audiencave në histori.
Duke theksuar këtë arritje, përfaqësuesit e të katër partnerëve të projektit - British Council, BIRN, INTRAC dhe Fondacioni Thomson - së bashku me përfaqësuesit e 12 përfituesëve të granteve nga Kosova morën pjesë në RezidencënBritanike në Prishtinë, ku ShTZ. Nicholas Abbott, Ambasador dorëzoi Certifikatat e Arritjeve për GraçanicaOnline, Romtegra, Radio Gorazhdevac dhe Crno Beli Svet.
Aktiviteti ofroi mundësinë që mediat të diskutojnë me ShTZ. Ambasador mbi zhvillimet e fundit në sektorin e medias, sfidat me të cilat ata përballen si dhe aktivitetet e tyre të zbatuara përmes mbështetjes së projektit Media for All.
"Ne diskutuam mbi rolin e rëndësishëm që ata luajnë në llogaridhënien nga qeveria, veçanërisht në nivelin komunal, pasi këtu merren vendimet që prekin jetën e përditshme të njerëzve. Të kesh një media të fortë, të pavarur dhe me standarde profesionale të gazetarisë është jetike për çdo demokraci, "tha ShTZ. Nicholas Abbott, Ambasador i Britanisë së Madhe në Republikën e Kosovës.
Projekti Media for All ka nisur në Shtator 2019 dhe zgjat deri në Qershor 2022. Qëllimi kryesor i projektit është ofrimi i mbështetjes së përshtatur për zhvillimin e biznesit për mediat, rritja e komunikimit të dyanshëm me qytetarët dhe organet e medias, mbështetja e mediave rinore dhe gazetarëve të rinj dhe forcimi raportimit të ndjeshëm ndaj aspektit gjinor. Grupi kryesor i synuar i projektit janë mediat lokale në të gjashtë vendet e Ballkanit Perëndimor.
