TV Tema me qendër në Ferizaj transmetoi episodin e parë të serisë dokumentare “Zbulimi i Dardanisë” më 24 korrik. Ky episod është rreth edicionit të 6 -të të “Mural Fest”, i organizuar në Ferizaj, i cili po bëhet një vend për artistët ndërkombëtarë. Edicioni i këtij viti filloi më 12 qershor dhe përfshiu krijimin e pesë pikturave murale të reja nën temën “Shtëpi”, duke portretizuar eksodin e popullsisë civile nga Kosova gjatë luftës në 1999.
"Ky është festivali i parë tradicional i pikturave murale në Kosovë, i cili u krijua në vitin 2016, nga artistët Lebibe Topalli dhe Pranvera Sylejmani. Ngjarja tërheq artistë vendas kosovarë dhe ndërkombëtarë të vizitojnë Ferizajn dhe të vendosin firmën e tyre artistike në muret e ndërtesave të qytetit. Së pari episodi mbulon punën e artistëve ndërkombëtarë: Slim Safont, Zabou, Pablo Astrain, Guido Palmadessa, Vicente Macellari dhe Mateu Targa, dhe nxjerr në pah vizionin e tyre për "Shtëpinë" dhe përshtypjet e tyre nga vizita në Kosovë",
tha Visar Hoti, drejtor i TV Tema.
Duke qenë përfituese e projektit 'Media për të Gjithë', TV Tema synon të përdorë prodhim me cilësi të lartë dhe të kontribuojë në promovimin e turizmit dhe zhvillimin e përgjithshëm ekonomik të komunitetit ku ata operojnë. Ky është roli mjaft domethënës që luan një media për të promovuar komunitetin e tyre lokal dhe për të nxitur zhvillimin e tij.
TV Tema është një televizion privat lokal i themeluar në vitin 2000 si radio stacion, dhe nga viti 2005 u licencua si një televizion që mbulon 10 komuna të Kosovës me afërsisht 700,000 banorë. Kompania punëson 17 persona. Televizioni është i pajisur plotësisht me teknologjinë HD dhe drejton TV dhe Radio Broadcast, prodhim video.
