Në raportimin e tyre të përditshëm, media investigative ÇOHU/Preportr varet jashtëzakonisht shumë nga komunikimi i dyanshëm me qytetarët. Për të marrë të dhënat e nevojshme, ky medium duhet të ketë një kanal të besueshëm e të sigurt komunikimi me lexuesit. Kjo është veçanërisht e rëndësishme për mediat investigative si ÇOHU/Preportr që shkon një hap më tej në këtë drejtim duke zbuluar dhe denoncuar veprimtaritë e paligjshme.
Në sajë të zbatimit të Platformës “Raportimi nga qytetarët e angazhuar” (ECR), një sistem anketimi online që i ndihmon mediat të investigojnë dhe raportojnë për çështje me interes për komunitetin e tyre, portali mundësoi krijimin e një lidhjeje të sigurt e të qëndrueshëm me qytetarët me qëllim që të vazhdojnë më tej me punën e tyre.
Me fjalë të tjera, duke punuar me qytetarët për histori apo çështje që janë me interes apo që përbëjnë shqetësim për ta, mediat po raportojnë së bashku me audiencën e tyre dhe jo vetëm për të. Platforma ECR u jep qytetarëve mundësinë të sugjerojnë tema, të japin dokumente, dëshmi apo prova të tjera.
Si rezultat i zbatimit të Platformës ECR dhe mbështetjes që ka marrë përmes Projektit “Media for All” (Media për të Gjithë), mediumi ÇOHU/Preportr siguroi të dhënat e nevojshme nga qytetarë për investigimin e tij më të fundit në lidhje me degradimin mjedisor nga hidrocentralet.
Në kuadër të këtij hulumtimi, ÇOHU/Preportr përmes platformës ECR ka publikuar një pyetësor për të siguruar informacione nga qytetarët në lidhje me ndikimin që kanë pasur hidrocentralet në mjedis dhe rrjedhimisht në jetën e tyre të përditshme.
Me këtë publikim kësaj teme i është shuar shumë më thellë në krahasim me disa raportime mjedisore që kanë bërë mediat e tjera. Duke pasur parasysh që mbrojtja e mjedisit është një temë që prek shumë sektorë në nivel rajonal, ky medium do të vazhdojë me një sërë raportimesh që kanë të bëjnë me mbrojtjen e mjedisit dhe me hidrocentralet.
Çohu/Preportr u krijua në shtator 2005. Ai ka si qëllim të kufizojë ndikimin e korrupsionit politik tek institucionet publike dhe synon të ofrojë një hapësirë alternative për gazetarinë investigative në Kosovë.