TV Prizreni, transmetues lokal nga qyteti i Prizrenit, ka rritur numrin e shikuesve dhe ndjekësve, veçanërisht në zonat rurale, duke ofruar formate të reja dhe duke zgjeruar gamën e çështjeve që mbulon. Që me fillimin e zbatimit të projektit, TV Prizreni ka bërë përparim shumë të madh.
“Kemi dyfishuar produktet për sa i përket numrit, kemi rritur zonën e mbulimit duke arritur në grupe dhe zonat të reja gjeografike, dhe kemi përmirësuar kapacitetet e brendshme duke ndjekur trajnime të ndryshme,” na thonë nga TV Prizreni.
Për shkak të vështirësive ekonomike, TV Prizreni nuk ka pasur mundësi të rrisë numrin e stafit. Dhe për këtë arsye ekipi i reporterëve ka prodhuar mesatarisht dy kronika në ditë. Por falë Projektit “Media for All” (Media për të gjithë), e gjitha kjo situatë ka ndryshuar. Pra, në gjashtë muajt e fundit, ky televizion ka prodhuar:
- 181 kronika lajmesh televizive,
- 14 kronika të gjata,
- 30 shfaqje të drejtpërdrejta,
- 82 artikuj për faqe ueb
- 1 dokumentar.
Rritja e prodhimit, si për nga cilësia ashtu edhe për nga sasia, ka sjellë si rezultat rritje të numrit të shikuesve dhe ndjekësve në kanalet e mediave sociale. “Pritet që ky trend të sjellë patjetër rritje të reklamave nga bizneset lokale,” theksojnë te TV Prizreni.
E krijuar në vitin 1999, TV Prizreni është nga më të vjetrat në Kosovë. Ai është një nga gjashtë mediat nga Kosova që janë bërë pjesë e skemës së granteve për zhvillimin e biznesit në kuadër të Projektit “Media for All”. Projekti financohet nga qeveria e Britanisë së Madhe dhe zbatohet nga Këshilli Britanik, Fondacioni Thomson, BIRN dhe INTRAC në të gjitha vendet e Ballkanit Perëndimor.