Me mbështetje nga Projekti “Media për të gjithë”, RTV KIM nga Çagllavica, në periferi të Prishtinës, prodhon një herë në javë histori interesante, informuese, edukative dhe argëtuese me fokus popullsinë serbe të Kosovës. Për shkak të fokusit kryesor që gazetarët e Radio KIM i kushtojnë tematikave politike dhe sociale, së bashku me situatat e krizave me të cilat përballen herë pas here në Kosovë, këto histori janë një këndvështrim tjetër i jetës duke qenë se ato nxjerrin në pah çështjet më interesante dhe më intriguese të zakoneve, mjeshtërive, kostumeve, interesave, ngjarjeve dhe të tjera çështje të popullsisë lokale.
“Puna jonë e përditshme dhe detyra e nevojshme si gazetarë janë të publikojmë lajme me interes për publikun. Në ditët e sotme në Kosovë kjo për nga natyra lidhet me zhvillimet politike, gjë që tërheq më pak vëmendjen e publikut. Kjo është arsyeja pse publikimi i historive interesante nga jeta e përditshme e njerëzve të zakonshëm nëpërmjet këtij projekti përbën një këndvështrim tjetër por të vërtetë të asaj që mund të ofrojë media. Nga ana tjetër, na ndihmon të përmbushin qëllimin tonë, dhe të ndihmojnë në krijimin e një shoqërie multietnike, multikulturore dhe tolerante në Kosovë,” tha Isak Vorguçiç, drejtor i Radios KIM.
Gjatë periudhës fillestare gjashtëmujore të zbatimit të këtij granti, Radio KIM ka prodhuar 26 histori. Të gjitha këto histori janë regjistruar për transmetim edhe për TV, por janë transmetuar në radio dhe publikuar në faqen e internetit të kësaj medie si dhe janë ndarë e reklamuar në platformat sociale. Qasja e rifreskuar dhe historitë me njerëz të zakonshëm kontribuuan në rritjen e nivelit të besimit mes komuniteteve, por edhe në rritjen e numri të audiencës online, ku gjatë një muaji arriti një rekord të ri prej 36 mijë vizitash në faqen e internetit.
Radio KIM është një nga mediat e rralla serbishtfolëse në Kosovë që promovon standarde të larta profesionale dhe raporton në mënyrë të pavarur nga grupet politike dhe interesat. Kjo radio nisi transmetimet e saj në vitin 2000, ndërkohë që programi TV i nisi në vitin 2013. Aktualisht RTV KIM transmeton nga Çagllavica, që është në periferi të kryeqytetit të Kosovës, dhe ka krijuar reputacion si burim i besueshëm informimi për audiencën serbishtfolëse në Kosovë, Serbi dhe më gjerë në rajonin e Ballkanit Perëndimor.
