Pas përvjetorit të tetë të tij, Portali Ul-info prezantoi një faqe ueb modern, të lehtë për t’u përdorur dhe në dy gjuhë. Përveç këtyre, portali mundësoi edhe një identitet të ri vizual – një logo moderne por edhe aplikacionet për iOS dhe Android, të gjitha këto me mbështetjen nga Projekti “Media për të gjithë”.
“Pas këtyre ndryshimeve, mund të them se në aspektin teknologjik, jemi plotësisht në krye të botës mediatike në Malin e Zi, ashtu siç jemi edhe në aspektin profesional,” tha Mustafa Canka, kryeredaktor i portalit Ul-info.
Portali i riformatuar që kjo organizatë e promovon në rrjetet e saj sociale në gjuhën malazeze dhe shqip, siç evidenton edhe stafi i Ul-info, së bashku me aktivitetet më të fundit në kuadër të Projektit “Media për të gjithë”, do të fuqizojë lexuesit e tyre dhe do të bëjë të mundur që ata të jenë proaktivë dhe të marrin pjesë në krijimin e përmbajtjes së kësaj medie.
“Dhe së fundi por jo për nga rëndësia, një nga risitë është se së bashku me kolegët e rinj do të prezantojmë edhe TV online me rezolucion 4K,” tha Canka.
Në të ardhmen, Ul-info do të fokusohet më shumë në gazetarinë mjedisore dhe në aktivitetet e organizatat e shoqërisë civile (OSHC). Në vazhdim të këtyre planeve, faqja ueb i ka dedikuar seksione të caktuara ekologjisë dhe OSHC-ve.
OSHC Ul-info, në kuadër të të cilit vepron edhe Portali Ul-info, u themelua në vitin 2013, ndërkohë që portali Ul-info në dy gjuhë u regjistrua në vitin 2017. Përveç aktiviteteve mediatike online, Ul-info ka zbatuar një sërë aktivitetesh në fushën e medias, korrupsionit, shtetit ligjor, politikave publike, qeverisjes së mirë, dhe të drejtave të njeriut.
