Në kuadër të projektit Media for All, RTV Teuta nga Ulqini i përmbushi të gjitha qëllimet e parapara – rritja e numrit të përdoruesve/vizitave/abonentëve, krijimi i një ueb-faqe të re, dygjuhëshe, prezantimi i transmetimit të drejtpërdrejtë të programit, aplikacioni online dhe rritja e audiencës nga diaspora.
Falë qasjes holistike dhe multiplatformë, së bashku me uebsajtin dhe aplikacionin e sapo prezantuar, RTV Teuta shënon rritje të vazhdueshme të audiencës në të gjitha platformat dixhitale.
“Të dhënat statistikore tregojnë rritje të ndjeshme të shikueshmërisë, dukshmërisë dhe angazhimit të audiencës në të gjitha kanalet dixhitale”, tha drejtoresha ekzekutive e RTV Teuta, Ilmira Lika, duke shtuar se “para zbatimit të projektit nuk kemi pasur një vizion të qartë dhe strategjik në lidhje me kanalet tona të mediave sociale. Falë bashkëpunimit të ngushtë me ekspertët e projektit, ne arritëm të rrisim shikueshmërinë tonë dhe të tërheqim një audiencë më të madhe.”
Gjatë zbatimit të projektit, në një periudhë njëvjeçare, rezultatet janë mbresëlënëse:
- Përdoruesit e ueb-faqes u rritën nga 11.136 në 27.923;
- Abonentët në YouTube u rritën nga 7.760 në 10.609;
- Të dhënat e Facebook-ut tregojnë rritje të numrit të ndjekësve nga 6.915 në 12.138;
- Ndjekësit në Instagram u katërfishuan nga 3.067 fillestare në 18.128.
Këto arritje janë rezultat i disa faktorëve. Një nga gjërat thelbësore është mbështetja e përshtatur në planifikimin e biznesit dhe gazetarisë multiplatforme. Falë kësaj, RTV Teuta sot fokusohet në transmetimin e drejtpërdrejtë dhe në pasurimin e vazhdueshëm të ueb-faqes dhe kanaleve të mediave sociale me përmbajtjen cilësore në bazë ditore. Ata gjithashtu i kushtojnë vëmendje të veçantë diasporës duke prodhuar dokumentarë që fokusohen në nevojat e tyre.
“Ne krijojmë përmbajtje të bazuar në statistika të cilat na japin njohuri për preferencat e audiencës sonë. Të dhënat tregojnë se audienca – vendase dhe ajo jashtë – janë të interesuar kryesisht për përmbajtjen vendase,” tha Lika duke shtuar se “postimet më të shikuara janë bazuar në sondazhet e qytetarëve, ndaj vendosëm një herë në javë të krijojmë një reportazh bazuar në të, pasi përdoruesit tanë kujdesen për opinionin e qytetarëve dhe problemet me të cilat përballen.”
Ueb-faqja dhe aplikacioni i ri, së bashku me qasjen strategjike në gazetarinë multiplatforme, duhet të rrisin më tej trendin pozitiv. RTV Teuta është themeluar në vitin 2003 dhe është media e parë dygjuhëshe në Mal të Zi që transmeton programin e saj në gjuhën shqipe dhe malazeze.
Ato janë një nga pesë mediat nga Mali i Zi që janë pjesë e skemës së granteve për zhvillimin e biznesit të projektit Media for All. Projekti financohet nga Qeveria e Mbretërisë së Bashkuar dhe zbatohet nga Këshilli Britanik, Fondacioni Thomson, BIRN dhe INTRAC në të gjitha vendet e Ballkanit Perëndimor.
