Amfora.al, është një media online, e cila filloi të prodhojë një seri videosh të shkurtra të titulluar “Kultura në 1 minutë” për historinë e lashtë të Durrësit dhe trashëgiminë kulturore. Qasja e tyre unike kombinon video të shkurtra dhe vizualisht tërheqëse për historinë dhe arkeologjinë me qëllim edukimin, promovimin dhe mbrojtjen e trashëgimisë kulturore midis qytetarëve dhe turistëve të huaj.
Tre, nga njëzet episode të planifikuara, janë publikuar deri në fund të gushtit.
“Reagimet e publikut janë shumë pozitive. Videot qe shfaqen zakonisht rreth kulturës janë të gjata dhe të detajuara. Ne kemi zgjedhur të sjellim një format të shkurtër në të cilin prezantojmë vlerat historike të rajonit të Durrësit,”
thot Geri Emiri, kryeredaktor i Amfora.al.
Përveç videove, Amfora.al filloi të prodhojë podkastet e titulluara "Zëri i Kulturës", në të cilat ekspertë të ndryshëm flasin për tema socio-kulturore. Deri më tani, katër podkaste, nga 15, janë transmetuar. Siç thekson Emiri, "video seritë kanë një qasje informuese dhe promovuese" ndërsa podkastet "duhet të inkurajojnë diskutimin publik" mbi tema të ndryshme socio-kulturore.
Qasja e tyre unike dhe moderne në tregimin e historive, e kombinuar me tema të pazakonta dhe të ngrohta, është njohur nga disa transmetues kombëtarë. Të intriguar nga serialet ata kanë ftuar ekipin e Amfora.al të jenë mysafirë në emisionet e tyre.
Amfora.al, e themeluar në vitin 2017, është një media e menaxhuar nga të rinjtë e fokusuar në trashëgiminë kulturore dhe arkeologjinë. Përmes projektit ‘Media for All’ dhe mbështetjes së mentorëve të Thomson Foundation për rritjen e kapaciteteve, media ka rritur ndjeshëm kapacitetin e saj teknik dhe burimet njerëzore.
