Autorët

Autorët

Nuk ka rezultate.

Aleksandar-Birovljev

Ekspert lider në rajon në fushën e tregtisë elektronike (e-commerce), zgjidhjeve të pagesave elektronike dhe planifikimit të biznesit digjital për klientë të ndryshëm, përfshirë këtu botues të mëdhenj mediatikë në rajon (Axel Springer, Grupi United), banka të fuqishme, sipërmarrës në tregtinë elektronike, kompanitë e basteve online, dhe tregtarë e dyqane të shitjeve me pakicë online. Birovljev është pionier në tregtinë dhe pagesat elektronike. Ai ishte i pari që krijoi dhe hapi qendrën tregtare online, portali i parë i klasifikuar online, që vuri në zbatim disa nga karakteristikat e pagesave elektronike që ndryshuan tregun (përpunimin dhe sigurinë e kartave të kreditit, pagesat online me një klikim, etj.). Janë më shumë se 2,000 modele biznesesh që janë vlerësuar nga Birovljev në periudhën që ishte drejtor i tregtisë elektronike në bankën më të madhe në rajon por dhe në vitet e mëvonshme. Në Serbi ka punuar ngushtësisht me Projektin e Medias të financuar nga USAID duke u ofruar asistencë teknike botuesve dhe aktorëve mediatikë për të krijuar një mjedis më mundësues biznesi për mediat. Ai u angazhua edhe në përmirësimin e kuadrit rregullator dhe ligjor dhe në mjedisin ekonomik për mediat duke u përqendruar kryesisht në optimizimin e pagesave online si bazë për përmirësimin e modeleve të biznesit digjital për mediat. Ai punoi ngushtësisht me Agjencinë Beta (zgjidhje për pagesat elektronike), me të përditshmen Danas (për abonimin digjital), me Nova Ekonomija (duke ofruar konsulencë në fushat e e-biznesit dhe pagesave elektronike), me Foundacionin Catalyst (për krijimin e infrastrukturës së pagesave për shërbimet e mediave si Pescanik, KRIK, CINS dhe Fakenews).

1
Aleksandar-Manasiev

Aleksandar Manasiev është gazetar nga Maqedonia e Veriut, fitues i disa çmimeve, me më shumë se 17 vjet përvojë në media të shkruara, TV dhe dixhitale. Ai ka përvojë si gazetar investigativ, korrespodent dhe kryeredaktor në disa media në rajon dhe më gjerë. Ai gjithashtu punon si trainer rajonal për gazetarinë mobile, median dixhitale dhe gazetarinë investigative.

3

Aleksandra Radivojeviq është një eksperte e medias dixhitale që punon në vendtakimin midis teknologjisë dhe gazetarisë. Ajo ka më shumë se 7 vjet përvojë pune me mediat, reklamat, konsulenca më publikuesit dhe edukimit të redaksive në fushën e analizave të të dhënave. Aleksandra e nisi karrierën e saj si menaxhere marketingu në portalin satirik të lajmeve Njuz.net. Punoi si menaxhere e mediave sociale për një grup të madh publikuesisht, dhe aktualisht, ajo po punon si menaxhere e lartë e operacioneve për ofruesin e shërbimit të analitikave të të dhënave – smartocto. Në smartocto, ajo udhëheq një ekip konsulentësh, të përkushtuar për të ndihmuar dhe mbështetur media të vogla dhe lokale në rritjen e tyre për biznes të qëndrueshëm.

1

Almir Peshtek është një strategjist me përvojë, konsulent mbështetjeje për biznesin, i angazhuar në sektorin e biznesit, start-upeve, inovacionit dhe sipërmarrjes, në Bosnjë dhe Hercegovinë, Ballkanin Perëndimor e më gjerë. Ekspert që kombinon njohuri shumë të sofistikuara mbi trendet ekonomike, qasjen sipërmarrëse dhe aftësitë e planifikimit strategjik të zbatueshme për sektorin e zhvillimit të medias, veçanërisht në fushën e planifikimit të biznesit të tyre. Ka punuar me më shumë se 20 media të ndryshme për të nxitur planifikimin e tyre strategjik dhe për të mbështetur ndërtimin e kapaciteteve në fushat e biznesit dhe funksionimin efiçent në kosto.

1

Anastasia Shevçenko, Redaktorja operative në – The Fix Media Anastasia është një analiste mediatike e fokusuar në dezinformimin, mediat partiake dhe shkrim-leximin mediatik. Para se t’i bashkohej medias – The Fix, ajo punoi si menaxhere komunikimi, kontrolluese e fakteve dhe studiuese e medias. Anastasia ka qenë gjithashtu bursiste Fulbright, duke bërë kërkime mbi luftërat e informacionit në Universitetin e Kansas.

1

Andrijana Tasevska ka më shumë se një dekadë përvojë në zhvillimin organizativ dhe të biznesit, duke siguruar këshillim të përshtatur dhe mbështetje për ndërtimin e kapaciteteve për një larmi aktorësh, përfshirë mediat. Fushat e ekspertizës së saj kryesore përfshijnë Planifikimin Strategjik, Menaxhimin e Ndryshimit, Strategjitë e Burimeve Njerëzore si për sektorin privat ashtu edhe për atë publik. Fokusi i saj i fundit është sektori i medias lokale dhe rajonale dhe industrisë në Ballkanin Perëndimor.

1
Arta Xhelili

Arta Xhelili është mentore me përvojë dhe eksperte e komunikimit, me formim të fortë akademik dhe orientim biznesi. Ajo është e specializuar në fushat e komunikimit, komunikimit të biznesit dhe profesional, komunikimit organizativ, marrëdhënieve me publikun dhe marketingut. Aftësitë e saj të forta për mentorim dhe angazhimi i saj për proceset e mentorimit dhe qasja e orientuar drejt rezultateve e kualifikojnë për të punuar me media në Maqedoninë e Veriut.

1
Biljana-Martinic

Biljana Martiniq është autore e mbi 200 artikujve dhe kritikave të muzikës, filmave dhe serialeve në të cilat ajo analizon ndikimin e kulturës popullore në zhvillimin e karakterit, barazisë gjinore dhe racore si dhe mbrojtjen e mjedisit. Gëzon përvojë si menaxhere e mediave sociale (ka menaxhuar marka të ndryshme në rrjetet sociale) dhe punon si content writer (krijuese e përmbajtjes në web) për blogje dhe website. Ajo është një nga themeluesit e OJQ-së “Akademia e Lidershipit” qëllimet e së cilës janë mbrojtja e të drejtave dhe lirive të njeriut dhe zbatimi i praktikave dhe politikave më të mira evropiane në fusha të ndryshme të jetës sociale, si dhe inkurajimi i aktivizmit dhe përmirësimi i nivelit të demokratizimit të shoqërisë malazeze. Ka shërbyer si mentore vullnetare në Laboratorin e Inovacionit UNICEF për Rininë, ku punoi në krijimin e zgjidhjeve të qëndrueshme për sfidat më urgjente me të cilat përballen të rinjtë.

2

Blerjana Bino ka një përvojë të jashtëzakonshme në vlerësimin e situatave të medias në Ballkanin Perëndimor (me fokus specifik në Shqipëri) dhe informimin e mbështetjes së donatorëve në shpërndarjen e programeve të bazuara në prova dhe praktike për mediat. Ajo është e specializuar në komunikimin për fuqizimin dhe përfshirjen sociale dhe ka përvojë në ofrimin e mentorimit për mediat e OSHC-ve dhe grupeve të tjera informale dhe formale. Ajo drejton një rrjet studiuesish të shquar dhe kërkuesish që punojnë në zhvillimin demokratik, qeverisjen e mirë, media dhe komunikimin, kërkimin në shoqëri dhe transformimin dixhital (Qendra Shkencë dhe Inovacion për Zhvillim).

3
Catherine-Mackie

Catherine Mackie është përgjegjëse për hartimin e programeve të trajnimit për Fondacionin Thomson. Ajo ka më shumë se 30 vjet përvojë si gazetare e nivelit të lartë, pjesa më e madhe e këtyre viteve me BBC – para dhe pas kamerës. Ka punuar për pesë vjet si specialiste e videove dixhitale duke drejtuar një program pilot, nëpërmjet të cilit u hartua dhe u realizua një programi trajnimi në të gjithë vendin për stafin e BBC-së për tregimin dhe redaktimin dixhital. Në vitin 2018, ajo fitoi një Bursë Gazetarie Knight-Wallace nga Universiteti i Miçiganit, ku mësoi dhe zhvilloi format për rritjen e diversitetit shoqëror në prodhimin e lajmeve dhe për lidhjen me auditorë të rinj dhe të lënë jashtë vëmendjes së raportimit. Catherine është inspektore në Këshillin Kombëtar për Trajnimin e Gazetarëve në Mbretërinë e Bashkuar.

1

Dafina Beqiri ka mbi 18 vjet përvojë profesionale në organizim, zhvillim strategjik dhe menaxhim ndryshimi. Gjatë gjithë karrierës së saj, ajo ka punuar ngushtë me aktorë të ndryshëm të mediave në rajonin e Kosovës, Shqipërisë, Maqedonisë së Veriut dhe Ballkanit Perëndimor. Ajo ka njohuri të gjera rreth mediave dhe nevojave të komunikimit në rajon pasi ka udhëhequr iniciativa të shumta (të tilla si ajo me Këshillin e Europës) në lidhje me promovimin e lirisë së shprehjes dhe shtypit me një fokus në dialogun dhe pajtimin në Ballkan. Përvojat e saj ndërkulturore dhe ndërkombëtare rritën aftësitë e saj natyrore të lidershipit dhe i mundësuan asaj të bëhet një mentore dhe trajnere e shkëlqyeshme për tema të ndryshme që kërkojnë mbështetje në zhvillimin organizativ, dialogun ndërkulturor dhe lidership.

2
Dalibor Pokec

Dalibor Pokeci është një drejtor kreativ i kontraktuar në televizionin publik kroat (HRT), përgjegjës për paraqitjen vizuale të programit kryesor të lajmeve të HRT-së. Kjo përfshin krijimin e dizajneve inovative, zhvillimin e projekteve kreative, së bashku me menaxhimin dhe bashkëpunimin midis të gjitha aspekteve të përfshira në prodhim. Ai është i përfshirë në krijimin dhe prodhimin e elementeve vizuale për tregime dhe programe, si dhe në menaxhimin e një ekipi për grafika televizive të drejtpërdrejta 3D në kohë reale të realitetit të shtuar të bazuar në sistemin VizRT. Dalibor punon në mediat transmetuese për 16 vitet e fundit. Që atëherë, ai ka punuar në projekte të ndryshme, si Olimpiada, The Voice e të tjera, si redaktor video, operator kamerash, producent promovues, kryeredaktor i grafikës, projektues 3D dhe prokejtues i lëvizjes. Ai është gjithashtu trajner i certifikuar i gazetarisë celulare, videograf i pavarur dhe muzikant.

1
Danilo Barjaktarevic

Ka përfunduar studimet bachelor për Biznes dhe Audit. Gjatë karrierës është fokusuar tek shërbimet IT, mbështetja për klientin, softuerët si shërbim, zbatimin e softuerëve, operacionet e biznesi dhe është profilizuar si drejtues i lartë me aftësi të mirëfillta për financat dhe biznesin. Ai ka qenë përgjegjës dhe përfaqësues i projekteve të shumta, dislokimeve dhe shpërndarjes me klientë në fushën e shitje me pakicë, kompani telefonike dhe financa. Me më shumë se 12 vite përvojë, ai ka qenë i angazhuar në biznese të vogla dhe të mesme, dhe me fokus të veçantë tek sipërmarrjet. I pëlqen të punojë në sektorin joqeveritar, duke mbështetur subjektet në nevojë.

1
David Tvrdon

David Tvrdon është një gazetar dhe podkaster i teknologjisë dhe medias me përvojë (dhe diplomë) marketingu.

1

Davor është menaxher i programit të Thomson-it për Evropën qendrore dhe Evropën juglindore. Ai është aktivisht i përfshirë në hartimin, drejtimin dhe mbikëqyrjen e programeve në këtë rajon. Ai ka përvojë të gjerë në zhvillimin e mediave dhe mbështet zhvillimin e kapaciteteve mediatike, funksionimin dhe inovacionet digjitale, prodhimin e përmbajtjes dhe diversifikimin e të ardhurave. Davor gjithashtu merr pjesë në komunikimin me komunitetin e zhvillimit të medias, duke përfshirë donatorët, organizatat e zhvillimit të medias, startup-et dhe aktorët e teknologjisë. Ai ka doktoraturë në media dhe komunikim dhe është gjithashtu një studiues jorezident në Qendrën për mediat, të dhënat dhe shoqërinë e Universitetit të Evropës Qendrore në Budapest.

1

Dejan Oblaku është asistent mësimdhënës dhe kërkimor në Departamentin e Gazetarisë dhe Prodhimit Mediatik të Universitetit të Zagrebit. Ai është doktorant në Departamentin e Shkencave të Informacionit dhe Komunikimit në Fakultetin e Shkencave Humane dhe Sociale të Universitetit të Zagrebit. Interesat e tij kërkimore janë inovacione në tregimin multimedial me theks në formatet e reja si infografika dhe animacioni në gazetari. Ka mbi 10 vjet përvojë pune në media dhe në edukimin e studentëve dhe profesionistëve të medias. Ka ofruar trajnime dhe seminare të gazetarisë multimediale dhe konvergjente në Kroaci, Serbi, Mal të Zi dhe Shqipëri, duke punuar në projektet e OSBE-së dhe Internews. Gjithashtu, është projektues i pavarur i lëvizjes dhe redaktor video.

1
Diturije-Ismaili

Diturie Ismaili është mentore dhe eksperte kërkuese me përvojë, me formim të fortë akademik dhe me orientim biznesi. Ajo është e specializuar në fushat e menaxhimit të burimeve, menaxhimit strategjik dhe politikave publike si edhe lidership. Aftësitë e saj të forta për mentorim dhe angazhimi i saj për proceset e mentorimit dhe qasja e orientuar drejt rezultateve e kualifikojnë atë për të punuar me media në Maqedoninë e Veriut.

1

Dominique Thierry është një menaxher i lartë i programit të zhvillimit të medias me mbi 30 vjet përvojë ndërkombëtare si gazetar dhe menaxher i medias. Ai ka punuar në media me qendër në Skoci, më pas në Bruksel dhe Ballkan, ndërsa aktualisht, punon në Paris. Ka ofruar mentorim dhe trajnime të rëndësishme për kolegët për një larmi mediash në Serbi, BiH, Kosovë, Shqipëri, si dhe në vendet fqinje të BE, Jug dhe Lindje dhe Afrikë. Në Ballkan, ai ka këshilluar strategjikisht Agjencinë e Lajmeve Beta, Radio Televizionin e Serbisë, Ateliers Varan, Agjencinë Telegrafike Shqiptare dhe Radio Tiranën, Radio Bobar dhe RTV Mali i Zi, RTV Vojvodina, etj. Për 17 vjet, ka mbajtur poste menaxheriale dhe gazetareske në shtyp dhe radio me Radio France dhe Radio France Internacionale. Ai ka drejtuar projekte në shkallë të gjerë duke koordinuar ekipe multietnike, multikulturore dhe shumëgjuhëshe.

1
Dusan-Masic

Dušan Mašić ka qenë i angazhuar në gazetari që në vitin 1989. Ai është një nga themeluesit dhe gazetarët e radios serbe B92 dhe ishte drejtori i parë i ANEM (Shoqata e Mediave të Pavarura Elektronike). Që nga viti 2007, Mašić ka punuar për BBC si Menaxher i Zhvillimit të Biznesit dhe që prej asaj kohe ka zhvilluar, mirëmbajtur dhe përmirësuar platforma të shumta për zhvillimin e aktiviteteve të biznesit në Evropë, Lindjen e Mesme dhe Afrikën Perëndimore për Shërbimin Botëror të BBC (BBC World Service). Këtu përfshihen hulumtimi dhe menaxhimi i llogarive, blerja, mirëmbajtja dhe zhvillimi i partneriteteve me portalet online, operatorë të telefonisë celulare, agregatorë dhe ofrues të shërbimeve të internetit, stacione TV dhe operatorë kabllorë. Ai ka punuar drejtpërsëdrejti me media të ndryshme në Serbi, Malin e Zi, Bosnje-Hercegovinë, Kosovë, Maqedoninë e Veriut dhe në Shqipëri. Mašić është i specializuar në konsulencë për integrimin dhe krijimin e redaksive konvergjente.

1

Elira Canga ka punuar si gazetare dhe redaktore prej 11 vitesh në Shqipëri. Aktualisht punon si menaxhere e projektit të medias për Organizatën për Siguri dhe Bashkëpunim në Evropë, me qëllim modernizimin e medias publike në Shqipëri dhe pasurimin e kurrikulës së gazetarisë. Ajo ka punuar më parë si gazetare dhe producente për BBC-në dhe si udhëheqëse e ekipit të medias për USAID. Elira ka përvojë në zhvillimin e mediave dhe çështjet ndërkombëtare. Ka shpenzuar dhjetë vjet duke punuar për zhvillimin e medias për të nxitur raportimin investigativ dhe verifikimin e fakteve, si dhe për trajnimin dhe mentorimin e gazetarëve të rinj në lidhje me edukimin për mediat dhe informimin dhe për të luftuar disinformimin në internet. Gjatë viteve 2021-2022, Canga po ndjek Humphrey Fellowship, pjesë e programit Fulbright, në Universitetin Shtetëror të Arizonës, SHBA.

1

Emir Kurtiq është asistent lektor i disiplinave të menaxhimit në arsimin e lartë në Shkollën e Ekonomisë dhe Biznesit në Sarajevë, Bosnjë dhe Hercegovinë. Ai ka kryer projekte të ndryshme marketingu dhe kërkimit të biznesit dhe studime të fizibilitetit për një sërë industrish si konsulent menaxhimi për disa prej kompanive kryesore në BiH. Emiri ka një fokus të fortë në sipërmarrjen sociale dhe krijimin e një biznesi të qëndrueshëm që i shërben komunitetit lokal. Me aftësitë e tij dhe përvojën e zhvillimit të biznesit, ai është në gjendje të sigurojë mentorim për mediat duke i ndihmuar ata të përcaktojnë drejtimet e tyre të biznesit dhe të testojnë modele dhe strategji të reja të biznesit.

2

Erjon Curraj është ekspert senior në zhvillimin e biznesit, inovacionit dhe transformimit dixhital drejt Objektivave të Zhvillimit të Qëndrueshëm (SDGs). Ai gëzon një përvojë të përzier profesionale në akademi, sektorin publik dhe privat (Triple Helix) dhe është vlerësuar së fundmi me grantinJean Monnet Module të BE nga Komisioni Europian për promovimin e axhendës dixhitale të BE në Shqipëri. Përvoja e tij afatgjatë, njohuritë dhe aftësitë për të punuar me sektorin publik, privat dhe start-upet bënë të mundur lidhjet e vendosura në të gjithë rajonin e Ballkanit Perëndimor, të cilat janë mjaft të rëndësishme për ndërhyrjen e TF. Ai tani vepron si mentor për Fondacionin Thomson, duke mbështetur media në zhvillimin e planeve të biznesit dhe si të bëhen më të qëndrueshme financiarisht.

2

Fat Chilli është një kompani me bazë në Sllovaki që ndihmon botuesit e mediave të kuptojnë plotësisht lexuesit e tyre, të identifikojnë mundësi të reja për rritje dhe të maksimalizojnë rezultatet e tyre me zgjidhje inovative dhe efektive.

1

Fegja Kulenoviqi është një ekspert infromacioni dhe komunikimi i cili merret me hulumtim dhe praktikë në fushën e shkencave të të dhënave, shkencave të informacionit, menaxhimit të njohurive dhe komunikimit me përqendrim të veçantë mbi komunikim në rrjet dhe prezantim publik. Ai bashkëpunon si konsulent me shumë organe qeveritare, organizata joqeveritare dhe me sektorin e biznesit në Bosnjë dhe Hercegovinë, por edhe në rajon. Një fokus i veçantë i punës së tij është përdorimi i ueb analitikës dhe të dhënave në media. Ai është asistent i lartë në Departamentin e Shkencave të Informacionit në Fakultetin Filozofik të Universitetit të Sarajevës për lëndët në fushën e shkencave të informacionit.

1

Galjina është një studiuese, mentore dhe konsulente e orientuar drejt biznesit me një histori të shkëlqyeshme në lidhje me industrinë e medias. Ajo është e specializuar në matjen e mediave, zhvillimin e standardeve industriale në fushën e biznesit mediatik dhe mbështetjen e shoqatave profesionale të mediave në zhvillimin e kapaciteteve të biznesit. Ajo ka punuar pme Shoqatën e Mediave në Serbi, projektin e USAID SMS dhe aktorët kryesorë të industrisë në tregun Serb (botuesit mediatikë, agjencitë e marketingut dhe blerjes së mediave, reklamuesit) në zhvillimin e standardeve të industrisë/monedhës së tregut në fushën e matjes së mediave.

1

Ilço Cvetanoski është ekspert i menaxhimit të komunitetit dhe komunikimit për segmentin e Fondacionit Thomson të programit të financuar nga FCO, Mbështetja e Pavarësisë më të Madhe të Medias në Ballkanin Perëndimor. Ai është gazetar me më shumë se 15 vjet përvojë pune për disa organizata mediatike vendase dhe ndërkombëtare. Përpara se t’i bashkohej ekipit të Fondacionit Thomson, Ilcho ka punuar si analist mediatik për disa OJQ dhe OQN. Mbaroi magistraturën , në Universitetin e Bolonjës dhe Sarajevës, në departamentit e demokracisë dhe të drejtave të njeriut, kurse studimet bachelor i mbaroi në Universitetin e Sh. Kirili dhe Metodi në Shkup, në departamentit e gazetarisë. Ai flet rrjedhshëm gjuhën maqedonase, angleze dhe BKMS (boshnjake-kroate-malazeze-serbe).

1

Ivan Miniq është një profesionist i marketingut dhe IT me përvojë ndërkombëtare. Ai është themeluesi i një prej komuniteteve më të mëdha online në rajonin e Ballkanit duke numëruar më shumë se 2 milion përdorues (forumi Burek) dhe një sipërmarrës i vetëngritur me disa biznese start up (Moja Pijaca, Burgos – burger bar). Ivani është moderatori dhe redaktori i Pojačalo – një podcast për sipërmarrjen që arrin deri në 5.000 pajtimtarë. Ivan ka punuar me media nga Serbia dhe Bosnja dhe Hercegovina, duke i ndihmuar ata të zhvillojnë praninë e tyre në internet dhe të rrisin audiencën e tyre. Ai ka qënë lektor i Menaxhimit tv Projekteve për studentët e marketingut dixhital në Fakultetin e Medias dhe Komunikimit në Beograd.

6

Jasmina Selimoviq është një profesore e asociuar e financave dhe Dekane e Shkollës së Ekonomisë dhe Biznesit në Sarajevë, Universiteti i Sarajevës, Bosnjë dhe Hercegovinë. Ajo ka punuar si konsulente për Bankën Botërore dhe organizata të tjera ndërkombëtare me fokus të veçantë në menaxhimin financiar, zhvillimin e biznesit dhe strategjitë e arsimit. Ajo është një studiuese aktive në fushën e menaxhimit financiar dhe është në gjendje të mbështesë mediat në përpjekjet e tyre për të ri-organizuar financat e tyre dhe për të provuar modele të reja biznesi.

2

Jelena është koordinatore për mbështetjen e medias, për monitorimin, vlerësimin dhe të mësuarit për komponentin e Fondacionit Thomson në Programin e mbështetur nga Ministria e Jashtme e Britanisë së Madhe në Mbështetje të Rritjes së Pavarësisë së Mediave në Ballkanin Perëndimor. Ajo është gazetare dhe profesioniste e komunikimit dhe marketingut, me përvojë të pasur në sektorin e zhvillimit ndërkombëtar dhe të medias. Jelena ofron asistencë të drejtpërdrejtë për mediat në rajonin e Ballkanit Perëndimor, me fokus të veçantë në mbështetje të nismave novatore nëpërmjet hartimit të planeve të biznesit, angazhimit të audiencës dhe prezantimit të kanaleve të reja online dhe formateve të përmbajtjes.Para se të bashkohej me Fondacionin Thomson, Jelena punonte për IREX (për Bordin e Hulumtimeve dhe Shkëmbimeve), për Regjistrin Kombëtar të Adresave të Internetit të Serbisë (RNIDS), për Nismat Qytetare të OJQ-ve, si dhe kontribuonte si vullnetare në komunitetin e Korporatës për Emrat dhe Numrat e Caktuar në Internet (ICANN).

1

Jernej Verbiç është ekspert në gazetari, prodhim mediatik dhe sipërmarrje në fushat e komunikimit dhe markës. Ai ka 20 vjet përvojë pune si redaktor dhe reporter në median publike RTV Slloveni; Televizioni më i madh komercial në Slloveni, POP TV dhe e përditshmja Delo, një korrespodent i New York City për të përditshmen Dnevnik; dhe një menaxher projekti dhe zhvillimi në Shoqatën Sllovene të Gazetarëve. Aktualisht, ai është Partner Menaxhues i redaksisë së lajmeve të markës Dobre zgodbe, kryesisht duke punuar si konsulent për brandin e redaksive të lajmeve, business storytelling, përmbajtjen e mediave dixhitale dhe zhvillimin e strategjisë për media të ndryshme në Ballkanin Perëndimor.

2

Jeton Mehmeti është një profesionist me përvojë në media, konsulent dhe ekspert kërkimesh me më shumë se një dekadë angazhimi profesional në mbështetjen e biznesit të medias, ideve mediatike inovative, vlerësimit të kapacitetit mediatik. Ai ka punuar me organizata të shumta mediatike në Kosovë dhe rajonin e BB dhe i ka mbështetur ato në fushat e planifikimit strategjik, transformimit të menaxhimit dhe ndërtimit të komunitetit.

1

Journalift është një platformë burimore në internet me praktika dhe njohuri më të fundit për personat që duan të dinë më shumë rreth zhvillimit të medias, biznesit të medias dhe tendencave më të reja në industrinë e medias. Platforma është krijuar si një qendër njohurish e përqendruar në nevojat e mediave. Ne e shohim veten si ‘game changers’, në komunitetin e zhvillimit të mediave që sjellin ide të reja, mjete inovative dhe qasje të bazuara në rezultate, për funksionimin e bizneseve mediatike.

27

Klodiana Kapo drejton organizatën “Faktoje”, që ofron shërbime faktmbledhëse që nga viti 2019. Ajo e mban këtë pozicion pas tre vitesh përvojë si Menaxhere Komunikimi dhe Marrëdhënie me Publikun në organizatën ndërkombëtare të fëmijëve World Vision, ku kohët e fundit iu akordua Çmimi i Brandit Global (Global Brand Award) nga zyra globale. Znj. Kapo vjen në “Faktoje” pas 16 vitesh karrierë në mediat më të njohura në vend ku ka raportuar kryesisht për çështjet sociale dhe më specifikisht për sistemin arsimor, për shëndetësinë, zhvillimin e të rinjve, etj. Gjatë karrierës së saj, Znj. Kapo ka punuar si gazetare në Top Channel (ku numëron me dhjetëra dokumentarë dhe histori personale), ka pasur rubrikën e saj në gazetën “Shqip” dhe ka punuar si kryeredaktore në Radio Televizionin Shqiptar. Znj. Kapo numëron edhe një sërë fushatash të suksesshme ndërgjegjësimi për organizata vendore dhe ndërkombëtare jo-qeveritare dhe është bashkautore e dy librave.

1

Kristijan Jean Radikoviç është një mjeshtër fjalësh me përvojë dhe një master në anglisht dhe poezi. Pas një karriere të pavarur si përkthyes dhe redaktor, ka punuar si shkrimtar për një shkëmbim kripto ndërkombëtar. Me përvojën që fitoi, ai gjeti vendin e tij në redaksinë e Dobre zgodbe, ku kryen kërkime dhe shkruan për brende lokale dhe globale.

2

Kristina Ozimec është gazetare hulumtuese nga Shkupi dhe kryetare e Platformës për Gazetari Hulumtuese dhe Analiza – PINA. Ajo është gjithashtu kryeorganizatore e Festivalit Mediatik në Shkup.

Ajo është e specializuar në mbulimin e fushave të ndryshme si politika, korrupsioni, sundimi i ligjit, të drejtat e njeriut, shoqëria civile dhe arsimi. Ozimec ka fituar çmime të shumta për tregimet e saj hulumtuese dhe është lavdëruar për mbulimin e saj profesional të çështjeve që kanë të bëjnë me komunitetet e margjinalizuara dhe të drejtat e njeriut.

Ajo ka zhvilluar sesione trajnimi dhe leksione për gazetarinë hulumtuese dhe median. Është koordinatore e dy programeve në PINA – Programi për gazetare dhe Programi për gazetari mobile, dhe koordinatore e programit – Rrjeti i Gazetarëve të Rinj. Kristina është e diplomuar për gazetari në Fakultetin Juridik “Iustinianus Primus” në Shkup.

0

Lamija është gazetare dhe redaktore me përvojë disavjeçare. Ajo ka punuar si Producente Ekzekutive e Aljazeera Balkans dhe drejtore e Shërbimit të Mediave Informative në Radio Televizionin Kroat, ku po kryen një riorganizim për të integruar proceset e punës së radios, televizionit dhe portaleve. Si lektore e jashtme, ka dhënë lëndën e gazetarisë televizive në Studimet Kroate në Universitetin e Zagrebit, e specializuar në Shtetet e Bashkuara (Universiteti i Tenesit dhe Universiteti i Teksasit El Paso). Është alumna e Akademisë për Zhvillimin Politik të Këshillit të Evropës dhe ka eksperiencë me start-up deri në botën e Silicon Valley. Në vitet e fundit, ajo ka punuar si konsulente për media në projekte të ndryshme rajonale.

0

Ljiljana Pecova ka përvojë pune afatgjatë në administratën publike, duke punuar si Menaxhere e PR. Ajo është pjesë e komunitetit start up në vend dhe i kushton vëmendje të veçantë modeleve inovative për biznes dhe operacionet. Ajo punon në sferën e arsimit për të rritur, ndërtimin e kapaciteteve, vlerësimin e nevojave për trajnim, hulumtime, analiza dhe vlerësime. Përvojat më të fundit të punës përfshijnë seminare të shumta me median duke përmirësuar kapacitetin e tyre në fushën e përdorimit të mjeteve të sigurisë në internet. Disa trajnime janë kryer me mediat me madhësi të ndryshme për praninë në rrjete sociale dhe mjetet e dezinformimit. Ajo ka qenë e angazhuar në hartimin e Kodit të parë për gazetarët kur raportojnë mbi fëmijë viktima/dhunues. Ajo është një trainere e certifikuar për të rritur dhe është anëtare e Komisionit të Ankesave në Këshillin e Etikës së Mediave në Maqedoninë e Veriut. Fushat specifike të interesit janë çështjet e privatësisë, transparenca dhe modelet e qeverisjes së mirë bazuar në qasjet e të drejtave të njeriut.

0

Lorin Kadiu është diplomuar në Gazetari dhe Komunikim dhe ka edhe diplomë master në fushën e Marrëdhënive me Publikun. Nga viti 2018 është drejtor ekzekutiv i organizatës joqeveritare mediatike “Citizens Channel” me seli në Tiranë. Ai është i specializuar në prodhimin multimedial, duke punuar si producent në disa dokumentarë, seri podkaste dhe eksplorime vizuale. Gjatë 8 viteve të fundit, ka punuar si gazetar, trajner për aftësi multimediale dhe konsulent për edukim mediatik me partnerë vendas dhe ndërkombëtarë.

0

Maja Vasiq-Nikoliq punoi në Asociacionin e Gazetarëve të Pavarur të Serbisë nga viti 2006 deri në vitin 2021. Gjatë punës së saj në AGPS, Maja i koordinoi projektet e Asociacionit dhe përpjekjet e avokimit në lidhje me rritjen e sigurisë së gazetarëve dhe niveleve të lirive të mediave në Serbi dhe, përmes projekteve rajonale të Asociacionit, Ballkanin Perëndimor.

1

Marko Moraçiq është një ekspert profesional i zhvillimit organizativ me mbi 15 vjet përvojë menaxhimi duke përfshirë Burimet Njerëzore, trajnimet, zhvillimin dhe menaxhimin organizativ. Ai është një bashkëthemelues dhe një trajner senior, mentor dhe konsulent në HUBChe – një kompani që ofron shërbime të ndërtimit të kapaciteteve të sipërmarrjes sociale. Moraçiq ka ofruar mbështetje të drejtpërdrejt për disa portale mediatike lokale nga Serbia dhe Bosnja dhe Hercegovina. Ai gjithashtu ka punuar me agjenci lajmesh dhe një kompani kombëtare gazetash në zhvillimin e biznesit dhe planifikimin e produkteve. Kjo i dha atij mundësinë të specializohej në vlerësimin financiar dhe këshillim për industrinë e medias me një fokus të fortë në ristrukturimin e portaleve mediatike, menaxhimin në kompanitë mediatike dhe krijimin e politikave të BNJ dhe menaxhimin e performancës.

1
Media-for-All-logo (1)

Dymbëdhjetë ekipe prej tre gazetarësh të rinj nga të paktën dy vende të ndryshme nga Ballkani Perëndimor punuan gjatë tetë javëve, me mbështetjen e mentorëve me përvojë, për të prodhuar tregime rajonale të fokusuara te të rinjtë. Ky tregim u zhvillua përmes programit – Media for All, të financuar nga Qeveria e Mbretërisë së Bashkuar. Përmbajtja e mbledhur dhe pikëpamjet e shprehura janë përgjegjësi vetëm e autorëve.

12

Mihailo ka mbi 20 vjet përvojë në shitje dhe reklamim, marketing digjital, të dhëna të mëdha, besnikëri dhe tregti elektronike. Aktualisht është drejtor i sektorit të tregtisë elektronike në Tehnomanija d.o.o. 

Për 12 vitet e fundit, ai ka punuar në industri të ndryshme, si Shef i të Ardhurave në Euronews Serbia, si drejtor ekzekutiv në Super Katica dhe drejtor i shitjeve Media Impact në Ringier Axel Springer. Ai është gjithashtu anëtar i bordit të IAB Serbia dhe Shoqatës së tregrisë elektronike të Serbisë.

0

Mihajlo Lahtov është një ekspert me përvojë i mediave dhe komunikimit me eksperiencë të gjerë pune në këtë fushë në lloje të ndryshme organizatash, nga OSHC-të e vogla lokale deri te organizatat e mëdha ndërkombëtare. Ai gjithashtu punon si Konsulent dhe Trainer për Zhvillimin e Mediave, Edukimin mbi Median dhe Komunikim për më shumë se 10 vjet. Ka zhvilluar më shumë se 100 workshope dhe trajnime për: OSBE, Instituti Maqedonas për Media, NDI, Instituti për Studimin e Komunikimit, GIZ, Agjencia për Shërbime të Mediave Audio dhe Audiovizive në Maqedoni dhe të tjerë. Aktualisht, ai punon si Oficer Komunikimi në Agjencinë Gjermane të Zhvillimit – GIZ.

1
Milena Đukić

Milena Gjukiq është menaxhere komunikimi me përvojë në menaxhimin e marrëdhënieve me publikun, marketingun dixhital, community managment dhe prodhimin e videove. Ajo kryesisht punon në fushat e industrive krijuese, produksion kulturor dhe artistik dhe sektorit joqeveritar me organizata të tilla si Streha e Sigurtë e Grave, Festivali Ndërkombëtar i Teatrit Alternativ FIAT, Festivali i Filmit në Podgoricë, UnderhillFest dhe shtëpitë e produksionit OpenBox, Atomic dhe Videa.

2
Miloš Stanić

Millosh Staniq është ish gazetar, fitues i disa çmimeve. Ka interes mbi teknologjitë e reja, dhe prej disa viteve punon në pikëtakimin midis gazetarisë dhe teknologjisë, në startupin teknologjik Smartocto, ku merret me strategjinë dhe punën me klientët. Para se të bashkohej me ekipin e Smartocto, prodhuesi kryesor evropian i mjeteve analitike për mediat digjitale, Millosh punoi si gazetar i “Blic” për disa vite. Gjatë karrierës së tij gazetareske, ka bashkëpunuar me Qendrën Kërkimore dhe Analitike të Vojvodinës të Shoqatës së Pavarur të Gazetarëve të Vojvodinës, dhe gjithashtu është angazhuar në projekte për KRIK dhe BIRN. Është fitues i Bursës Ballkanike për Gazetari Ekselente (Balkans Fellowship for Journalistic Excellence), si dhe për tekstin e shkruar gjatë fellowshipit iu akordua Çmimi i Bashkimit Evropian për Gazetarinë Hulumtuese në Serbi, në vitin 2019.

1

Milosh Katiq është një gazetar hulumtues me shumë çmime dhe një ekspert në forenzikën financiare nga Serbia me dhjetë vjet përvojë në media. Ai është i specializuar në fushën e gazetarisë hulumtuese, zhvillimit të biznesit, menaxhimit financiar, AML/TF, si dhe në fushën e forenzikës digijtale dhe financiare. Ai gjithashtu punon si konsulent për zhvillimin e biznesit dhe financave. 

0

Mladen Obrenoviq është PhD në Shkencat e Komunikimit dhe një gazetar profesionist, me karrierë profesionale si gazetar në 1996, duke punuar për 14 vitet e ardhshme për mediat lokale që mbulojnë pjesën lindore të Kroacisë. Ai u zhvendos në pozicionin e korrespodentit (nga Vukovar) për gazetat Glas Slavonije dhe Jutarnji list. Nga 2010 në 2013, mbajti pozicionin në portalin në internet Tportal, me qendër në Zagreb, ku mbulon politikën e përditshme dhe temat aktuale të shoqërisë kroate, të specializuara në mbulimin e Asamblesë dhe Qeverisë Kroate, si dhe institucionet e ligjit. Në 2013 ai filloi të punojë për Al Jazeera Balkans në Sarajevë, si gazetar dhe nga viti 2019, si redaktor i lajmeve. Që nga gushti i vitit 2020, ai ka punuar si gazetar në Rrjetin Ballkanik të Gazetarisë Investigative Bosnjë dhe Herzegovinë (BIRN BiH). Nga tetori 2017 deri në shtator 2018, ai ishte asistent pedagog në Universitetin VERN në Zagreb, duke dhënë mësim Teoritë e Mediave. Ka marrë pjesë në kurse të shumta mediatike, konferenca shkencore dhe si rezultat, ka botuar studime të shumta shkencore. Ai është anëtar i Grupit Këshillues për Nxitjen e Shkencave të Medias dhe Informacionit në Bosnjë dhe Hercegovinë.

3
Nataša-Kovačev

Natasa Kovacev – reportere me 15 vjet përvojë në gazetari televizive. Aktualisht, unë jam korrespondent nga Vojvodina dhe punoj për Euronews Serbia. Më parë kam punuar për televizionin N1, Al Jazeera Balkans, RTV Vojvodina. Histori të mbuluara nga politika lokale, ekonomia, deri te zgjedhjet presidenciale në SHBA në 2016, krizat e Ukrainës, protestat masive në Rumani, pasojat e sulmeve me bomba në Bruksel dhe Ankara, kriza e refugjatëve në Evropë, tentativa për grusht shteti ushtarak në Turqi, shumë demonstrata të ndryshme gjatë gjithë vitit vendet ballkanike.

2

Natasha Lakoviq Gjukanoviq është një konsulente strategjike me bazë në Belgjikë. Ajo ndihmon kompanitë në rritje në zhvillimin e strategjive të rritjes dhe hyrjes në treg, si dhe në zbatimin e tyre. Natasha është mentore në projektin e Fondacionit Thomson “Media for all” dhe drejton dy grupe të programit EIC Women Leadership.

Më parë, ajo ishte CMO (Drejtore e Marketingut) e Domain.ME, një kompanie ndërkombëtare teknologjike që menaxhon domenin e internetit “.ME”. Ajo është një nga njerëzit kyç që ndikoi në zhvillimin e komunitetit digjital dhe startup të Malit të Zi. Ajo është gjithashtu bashkëthemeluese e Digitalizuj.Me, një organizate joqeveritare që eksploron fuqinë transformuese të teknologjisë përmes projekteve dhe ligjëratave të ndryshme, dhe bashkëthemeluese e Spark.me, njërës nga konferencat më të mëdha të teknologjisë/biznesit në Evropën Juglindore.

2

Nedim Dervishbegoviq është një gazetar i gjithanshëm me një përvojë të gjatë në krijimin e përmbajtjes dhe menaxhimin e portaleve në internet. Ai ka punuar si prodhues multimedial për Shërbimin Ballkanik të Radios Europa e Lirë/Radio Liria (RFE / RL) me qendër në Pragë, përgjegjës për rrjetet online, multimedia dhe rrjetet sociale dhe ka dhe shkruar artikuj dhe blogje për faqen angleze të Radios Europa e Lirë mbi politikën e Ballkanit dhe tema të tjera. Ai gjithashtu ka punuar me një seri dokumentarësh mbi Bosnjën dhe Hercegovinën për rrjetin Al Jazeera si studiues. Më parë, ai ka punuar për dhjetë vjet si korrespondent i lartë i Reuters nga Bosnja. Ai është certifikuar si trajner nga Qendra Europiane e Gazetarisë / Fondacioni Reuters dhe ka mbajtur kurse trajnimi dhe workshope mbi lajmet dhe shkrimet në internet, multimedia storytelling dhe raportimin investigativ. Nedimi zotëron një BSc në Politikë dhe marrëdhënie ndërkombëtare nga Universiteti i Londrës.

0

Nikolla Jovanoviq është një këshilltar i orientuar drejt njerëzve për zhvillimin personal, të skuadrës dhe atë organizativ, trainer dhe studiues me përvojë 20 vjeçare në të tre sektorët. Kohët e fundit ai ka një vëmendje të veçantë në punën e tij për transformimin dixhital, të ardhmen e BNJ dhe funksionet e të mësuarit dhe duke ndihmuar organizatat të lundrojnë në atë që mendimtarët më të mëdhenj të sotëm e quajnë ” bota VUCA (e paqëndrueshme, e pasigurt, komplekse, e paqartë). Si pjesë e projekteve të zhvillimit të medias, ai ka ofruar konsulenca mbi zhvillimin e biznesit dhe konsulencë financiare në media lokale dhe rajonale nga Serbia dhe Bosnja dhe Hercegovina, duke i ndihmuar ata të vendosin qëllimet e tyre strategjike të biznesit, të testojnë dhe prezantojnë burime të reja të ardhurash dhe të rrisin audiencën e tyre. Ai shpesh ndan mendimet dhe përvojën e tij në blogun e tij peckopivo.com, Linkedin dhe konferenca apo evente të ndryshme, të tilla janë TEDx, Digitalizuj.Me, AIESEC New Leaders Conference, DisruptHR, Digital Summit etj “

1

Orkidea Xhaferaj është një advokuese për dijen me përvojë të gjerë në sektorin publik, privat dhe zhvillimor në Shqipëri dhe rajonin e BB6. Orkidea gjithashtu ka vepruar si mentore për të rinjtë, mediat dhe bizneset e vogla, kryesisht në Shqipëri, në lidhje me rritjen e pjesëmarrjes në politikë, përmirësimin e komunikimit dhe përmirësimin e kapaciteteve të brendshme, si dhe aksesin në financa dhe qëndrueshmërinë. Ajo ka një përvojë të gjerë mentorimi dhe kërkimi, me Fondacionin Westminster për Demokraci ajo mori pjesë në kërkime mbi rolin e Mediave dhe OShC-ve gjatë krizës në Shqipëri dhe ajo gjithashtu drejton një rrjet informal të përqendruar në rritjen e pjesëmarrjes së grave në STEM (Shkencë, Teknologji, Inxhinieri dhe Matematikë).

1

Petko Georgiev është një profesionist i medias me një përvojë në gazetari dhe menaxhimin e medias si dhe përvojë 25 vjeçare në mbështetje të zhvillimit të mediave në Europën Juglindore dhe Qendrore, ish Bashkimin Sovjetik, Azinë Qendrore, Lindjen e Mesme dhe Afrikën e Veriut. Me një formim arsimor në administrimin e biznesit ndërkombëtar, karriera e tij profesionale ka evoluar nga reporteri transmetimi, redaktor lajmesh dhe prezantues tek menaxher stacioni dhe redaksie si dhe konsulent ndërkombëtar i menaxhimit të medias. Ai është i specializuar në menaxhimin e biznesit me një fokus në adresimin e sfidave të tranzicionit dixhital dhe ndihmën e mediave të përmirësojnë ofertën e tyre, të angazhojnë audienca në platforma të ndryshme dhe të krijojnë burime të reja të të ardhurave.

3

Petra Kovaçeviq është asistente mësimore dhe kërkimore në Departamentin e Gazetarisë dhe Prodhimit Mediatik, Universiteti i Zagrebit, dhe anëtare e ekipit në projektin kërkimor ” Journalism Research Lab/Laboratori i Kërkimit të Gazetarisë”, financuar nga Fondacioni Kroat i Shkencës. Ajo është studente doktorature në Shkollën e Gazetarisë, Medias dhe Kulturës në Universitetin e Cardiff-it, ku studion gazetarinë e bazuar te zgjidhjet në BBC. Interesat e saj kërkimore përfshijnë praktikat e reja gazetareske, të tilla si gazetaria konstruktive dhe gazetaria e zgjidhjeve, kultura e eksperimenteve në redaksi, teknikat inovative dhe ndërvepruese të tregimit gazetaresk, përmbajtja gazetareske e synuar për audiencën e re, me përqendrim të veçantë në prodhimin televiziv dhe video prodhimin. Petra jep mësime mbi modulet që lidhen me televizionin, videon dhe prodhimin multimedial. Ajo është gjithashtu një gazetare dhe producente e pavarur, dhe një trajnere e certifikuar e gazetarisë mobile.

1

Sanja Beronja zotëron një përvojë dhjetëvjeçare në projekte që lidhen me menaxhimin dhe bashkëpunimin ndërkombëtar në arsimin e lartë, si pedagoge dhe menaxhere programi në Fakultetin e Shkencave Politike në Paris. Atje ajo zhvilloi një pasion për inovacionin në arsim dhe pa rëndësinë e teknologjive të reja në krijimin e përmbajtjes arsimore. Ajo është aktualisht doktorante në Sociologjinë e Sipërmarrjes në Shkollën e Studimeve të Avancuara në Shkencat Sociale në Paris. Tema e disertacionit të saj është sipërmarrja startup në Paris dhe Berlin. Sanja e sheh inovacionin në arsim dhe sipërmarrjen teknologjike si nxitës të zhvillimit dhe hulumtimeve lokale dhe shkruan për këto tema. Ajo jeton midis Berlinit dhe Parisit dhe është aktive në ato dy qytete, si dhe në Beograd, qytetin e saj të lindjes.

1

Sanja Gardasheviq është drejtoreshë ekzekutive e agjencisë së marketingut digjital Alicorn, e cila u ofron klientëve një spektër të plotë shërbimesh kur bëhet fjalë për zhvillimin strategjik të brendit të kompanisë dhe menaxhimin e pranisë së tyre në internet. Sanja ka përvojë të gjerë në hartimin dhe zhvillimin e punëtorive dhe trajnimeve mbi temën e marketingut digjital, si dhe në ofrimin e mbështetjes mentoruese për mediat në zhvillimin e biznesit të tyre në internet.

0
sanja lazic

Sanja Llaziq është eksperte e ndërtimit të komunitetit, crowdfunding dhe ndërtimit të kapaciteteve, e specializuar në punën me OSHC dhe media të drejtuara nga misioni. Ajo ishte pjesë e ekipit Catalyst Balkans dhe është përgjegjëse për platformën platformën rajonale crowdfunding Donacije.rs. Gjatë 3 viteve të fundit ajo ka krijuar dhe zbatuar fushata të shumta për mbledhjen e fondeve me media si TV Forum Prijepolje (fushata e parë lokale crowdfunding), Autonomija nga Novi Sad, KRIK dhe CINS – portale investigative nga Serbia, Iz glave – shfaqje e njohur podcast nga Kragujevac (model i bazuar në donacione), Pescanik (model i bazuar në anëtarësim).

3

Ajo është një profesore, studiuese e njohur, mentore dhe konsulente e orientuar drejt marketingut me një histori të shkëlqyeshme në lidhje me industrinë e medias. Ajo është e specializuar në marketing, biznes ndërkombëtar dhe zhvillimin e standardeve të industrisë në fushën e biznesit mediatik, dhe mbështetjen e shoqatave profesionale të mediave në zhvillimin e kapaciteteve të biznesit. Ajo ka punuar me Shoqatën e Mediave në Serbi, projektin e USAID SMS dhe aktorët kryesorë të industrisë në tregun Serb (botuesit mediatikë, agjencitë e marketingut dhe blerjes së mediave, reklamuesit) në zhvillimin e standardeve të industrisë /monedhës së tregut në fushën e matjes së mediave.

1

Selma Boraçiq-Mrsho, ka diplomuar në Departamentin e Gazetarisë në Fakultetin e Shkencave Politike në Sarajevë në vitin 2008 dhe që atëherë merret me gazetari profesionalisht në Radio Evropa e Lirë deri në vitin 2021. Punoi si redaktore e emisioneve televizive dhe atyre të radios, dhe shkruante çdo ditë për portale – lajme, histori, intervista dhe analiza. Momentalisht është gazetare e pavarur, që merret me tema që shqetësojnë shumicën e njerëzve në BiH.

1

Slađana Lučić ka qenë në botën e gazetarisë televizive për më shumë se 20 vjet, ndërkohë që aktualisht mban pozicionin e Zëvendës Redaktores së Lajmeve të Al Jazeera në Londër. Ajo ka bërë raportime për shumë ngjarje në rajon dhe në botë, por ka trajnuar dhe mentoruar edhe gazetarë të rinj nga rajoni i Ballkanit për tema si standardet e gazetarisë, prodhimi i përmbajtjes, tregimi vizual i historive, dhe krijimi i filmave dokumentarë. Filmi dokumentar i Slađanas, Little Star Rising (Ylli i Vogël që po Lind), u shfaq në shumë festivale filmash, si Festivali i Filmit Windsor (Kanada), Tokyo Lift-off, Festivali SEE në Los Anxhelos të SHBA-ve, Festivali CinEast në Luksemburg, Festivali Ndërkombëtar i Filmit në Aman, etj.

0
tarik-jusic

Tarik Jusić, PhD, MBA, në dy dekadat e fundit ka qenë i angazhuar në zbatimin e projekteve dhe programeve të ndryshme për zhvillimin e mediave në rajonin e Ballkanit Perëndimor. Përveç punës së tij në hulumtimin e politikave dhe zbatimin e projekteve, veçanërisht në fushën e asistencës ndërkombëtare për mediat, Tarik ka qenë i angazhuar edhe me një sërë projektesh konsulence, duke u fokusuar kryesisht në çështjet e zhvillimit të planifikimit strategjik dhe kapaciteteve strategjike për komunikimin në institucionet publike, organizatat e mediave, dhe ato të shoqërisë civile. Gjatë viteve 2002-2011 ka qenë Drejtor i Programit në Mediacentar Sarajevë dhe gjatë periudhës 2010-2020 ka punuar si Drejtor Administrativ në Qendrën për Kërkime Sociale “Analitika” në Sarajeva. Që nga viti 2019, Tarik punon si Lektor dhe Garantues i programit të studimeve në Fakultetin e Komunikimit dhe Medias, pranë Universitetit të Nju Jorkut në Pragë të Republikës Çeke.

1

Dr. TENA PERISHIN, profesore në Departamentin e Gazetarisë dhe Prodhimit Multimedia në Fakultetin e Shkencave Politike, Universiteti i Zagrebit. Gazetare për një kohë të gjatë në Radio Televizionin Kroat. U specializua në universitetet amerikane (Universiteti Harvard, Universiteti i Sirakuzës) dhe në CNN. Ka shërbyer si redaktore në Radio Evropa e Lirë, duke punuar si profesioniste e pavarur për CNN dhe media të tjera. Ka drejtuar disa projekte zhvillimi duke përfshirë projektin e dixhitalizimit të programit të lajmeve HRT dhe fillimin e kanalit të lajmeve HRT4. Ka themeluar dhe drejton Televizionin Studentor dhe Laboratorin e parë të Kërkimit të Gazetarisë në rajon. Ajo ka fituar disa çmime për punën e saj gazetareske dhe çmimin shtetëror për popullarizimin e shkencës. Ajo është autore e teksteve të shumta profesionale dhe shkencore, si dhe e librit “Lajmet Televizive”.

3

Toshe Ognjanov është një gazetar ndërkombëtar multimedial dhe trajner për gazetarinë celulare dhe multimediale. Alumni i Shkollës Walter Cronkite të Gazetarisë dhe Komunikimit Masiv, në Universitetin Shtetëror të Arizonës. Gazetari profesional me mbi dy dekada përvojë në gazetari të shtypur, televizive dhe online në media në Maqedoninë e Veriut dhe në Shtetet e Bashkuara të Amerikës. Toshe Ognjanov është trajner me përvojë në fotoreporteri, videografi, menaxhim të mediave sociale për mediat dhe trajner i certifikuar i edukimit mediatik për produktet e lajmeve vizuale. Mediat e kaluara dhe aktuale: Dnevnik, Telegraf.mk, Zëri i Amerikës.

0

Urosh Bogdanoviqi është një konsulent radioje dhe podkastesh me mbi 20 vjet përvojë në punet e multimedias dhe medias, si dhe në prodhimin e përmbajtjes së përditshme. Ai është autor i shumë gjërave që me siguri keni pasur rastin t’i dëgjoni dhe shihni në internet. Disa prej tyre janë shpërblyer. Ai ka kryer të gjitha pozicionet në botën e radios – nga prezantuesi deri te drejtori i programiit të një radiostacioni kombëtar dhe udhëheqësi i projektit në krijimin dhe organizimin e radiostacioneve të reja. Bashkëpunoi me radiostacionet më të mira në rajon. Me podkastet merret aktivisht për 6 vite të fundit, si trajner dhe konsulent. Uroshi është një ligjërues i njohur në konferenca mediatike në të gjithë Evropën, dhe temat për të cilat ai pëlqen të flasë (dhe ajo që është edhe më e rëndësishme – ata pëlqejnë ta dëgjojnë atë) lidhen me radion, podkastet dhe shitjet. Konferencat më të famshme, me famë botërore në të cilat ishte folës, janë: Radiodays Europe, Medientage dhe Tell a vision. Ai është autori i teknikës së avancuar të shitjes, “storyselling” me emrin “Little green dragon”, e cila doli të jetë e zbatueshme në shumë ekipe shitjesh të kompanive të mëdha dhe mediave. Ai pëlqen të hajë. Sidomos brumëra të ndryshëm (byrek dhe picë, kurrsesi picë-byrek) Më shumë informacione mund të gjeni në ueb-faqen e tij: uros.rs.

1

Vladimir Trkulja është një organizues komuniteti dhe planifikues i biznesit mediatik me një dekadë përvojë në krijimin, rritjen dhe mbështetjen e ndërmarrjeve serbe start up përmes programeve të ndryshme, mentorimit, trainimit dhe të folurës në publik. Ka një formim të fortë në teknologji, veçanërisht në lidhje me zhvillimin e produkteve të reja duke përdorur metodologji të dobëta dhe duke punuar me ekipe agile. Vladimiri është një mentor dhe trajner i shumë programeve dhe eventeve akselerimi, duke përfshirë Eleven Ventures, Startup Academy, InnoEnergy Primer, Climate KIC, UNDP CSDU Incubator dhe Google Launchpad.

2
zeljko-crnjakovic

Zhelko Crnjakoviq është një sipërmarrës në internet. Që prej vitit 1999 punon në fushën e gjuhës angleze dhe komunikimit, ndërsa 16 vitet e fundit është angazhuar në marketing. Ai është themeluesi i agjencisë dixhitale të prodhimit audio dhe video Solutium, autor dhe prodhues i disa podkasteve dhe kanaleve YouTube, pjesë aktive e coworking, sipërmarrjes IT, si dhe koordinatori i qendrës coworking InfostudHub.

2

Zoran Kovaçiq është një ekspert transmetimi, televizioni, radio dhe mediat dixhitale. Ai është nismëtar dhe themelues i portalit të parë online që specializohet në industrinë e medias dhe telekomit në Europën Juglindore. Përveç kësaj, ai zotëron ekspertizë si konsulent për menaxhimin e medias, trajnim dhe mentorim, zhvillimin dhe zbatimin e modeleve të biznesit dixhital për media. Ka botuar disa libra të specializuar në historinë e mediave. Ai nuk e konsideron veten si gazetar, por si dikush që i pëlqen të shkruajë, të krijojë dhe të nis gjëra. Në vitin 2018, ai lançoi MediaDaily.biz, një portal rajonal me një model unik biznesi – abonim në hardwall – të cilin ai e zhvilloi në një burim të besueshëm informacioni për mediat profesionale dhe komunitetin e gazetarëve në BP. Deri më tani ai ka punuar dhe ofruar konsulencë për një sërë aktorësh të medias në rajon, duke përfshirë mediat e shërbimit publik, dhe portalet në fazat e hershme të zhvillimit të tyre.

3

Zoya Charles është gazetare dhe redaktore multimediale me mbi 25 vite përvojë dhe ka pasur pozicione menaxhimi në nivel të lartë në BBC. Me Fondacionin Thomson, në punën e saj ka pasur funksione edhe si producente e lartë ekzekutive në Projektin “OPEN Media Hub”, ku janë trajnuar gazetarë të transmetimeve multimediale, redaktorë dhe menaxherë nga vendet fqinje me Bashkimin Evropian. Në BBC, Zoja punonte si redaktore ku drejtonte një nga ekipet më novatore të gazetarisë video, me të cilët ka fituar disa çmime për produksionet e saj. Si pjesë të punës, Zoya ka ndihmuar BBC-në në hartimin e strategjisë dixhitale.

2